ಮನುಷ್ಯನ ದೀರ್ಘಾಯಸ್ಸು 120 ವರ್ಷಗಳು

ಮನುಷ್ಯನ ದೀರ್ಘಾಯಸ್ಸು 120 ವರ್ಷಗಳು * ಮಂಡಗದ್ದೆ ಪ್ರಕಾಶ ಬಾಬು ಕೆ.ಆರ್. ಮಹಾಭಾರತದಲ್ಲಿ ಬರುವ ವಿಧುರ ನೀತಿ ಹೇಗೆ ಹೇಳುತ್ತದೆ, ಪೂರ್ವ ವಯಸ್ಸಿನ ನಮ್ಮ ಕಾರ್ಯ ಚಟುವಟಿಕೆಗಳು ಹೇಗೆ ಇರಬೇಕೆಂದರೆ ಬದುಕಿನ ಪ್ರಾರಂಭದಲ್ಲೇ ನಾವು ವೃದ್ಧಾಪ್ಯವನ್ನು ಎದುರಿಸಲು ಮನಸ್ಸನ್ನು ಸಿದ್ಧಗೊಳಿಸಬೇಕು. ಮನುಷ್ಯನು ನಿಷ್ಕ್ರಯನಾಗಿದ್ದರೆ ನಾನಾ ರೋಗಗಳು ಆಹ್ವಾನಿಸುತ್ತದೆ. ಆದ್ದರಿಂದ ಅಂಗಾಂಗಗಳೆಲ್ಲವೂ ಲವಲವಿಕೆಯಂದಿರುವಂತೆ ಕಾರ್ಯ ನಿರತರಾಗಿರಬೇಕು. ಆಗ ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ 120 ವರ್ಷಗಳ ಕಾಲ ಜೀವಿಸಬಹುದು. ಜ್ಯೋತಿಷ್ಯ ಶಾಸ್ತ್ರದಲ್ಲಿ ಒಂದೊಂದು ಗ್ರಹಕ್ಕೂ ದಶ ವರ್ಷ ಮತ್ತು 3 ನಕ್ಷತ್ರಕ್ಕೆ ಒಂದು ಗ್ರಹ ಅಧಿಪತಿ ಎಂದು ನಿಗದಿ ಮಾಡಿರುವರು. ಅವು ಯಾವುವು ಎಂದರೆ, * ಅಶ್ವಿನಿ, ಮಖ ಮತ್ತು ಮೂಲ ನಕ್ಷತ್ರಕ್ಕೆ ಕೇತು ಗ್ರಹ ಅಧಿಪತಿ ಇದ್ದರೆ ದೆಸೆ 7 ವರ್ಷಗಳು. * ಭರಣಿ, ಪುಬ್ಬೆ ಮತ್ತು ಪೂರ್ವಾಷಾಢ ನಕ್ಷತ್ರಕ್ಕೆ ಶುಕ್ರ ಗ್ರಹ ಅಧಿಪತಿ ಇದರ ದೆಸೆ 20 ವರ್ಷಗಳು. * ಕೃತ್ತಿಕಾ, ಉತ್ತರೆ ಮತ್ತು ಉತ್ತರಾಷಾಢ ನಕ್ಷತ್ರಕ್ಕೆ ರವಿ ಗ್ರಹ ಅಧಿಪತಿ ಇದ್ರ ದೆಸೆ6 ವರ್ಷಗಳು. * ರೋಹಿಣಿ, ಹಸ್ತ ಮತ್ತು ಶ್ರವಣ ನಕ್ಷತ್ರಕ್ಕೆ ಚಂದ್ರ ಗ್ರಹ ಅಧಿಪತಿ. ಇದರ ದೆಸೆ 10 ವರ್ಷಗಳು. * ಮೃಗಶಿರಾ, ಚಿತ್ತ ಮತ್ತು ಧನಿಷ್ಠ ನಕ್ಷತ್ರಕ್ಕೆ ಕುಜ ಗ್ರಹ ಅಧಿಪತಿ ಇದರ ದೆಸೆ 7 ವರ್ಷಗಳು. * ಆರಿರ್ದ್ರಾ, ಸ್ವಾತಿ ಮತ್ತು ಶತಭಿಷ ನಕ್ಷತ್ರಕ್ಕೆ ರಾಹು ಅಧಿಪತಿ ಇದರ ದೆಸೆ 18 ವರ್ಷಗಳು. * ಪುನರ್ವಸು, ವಿಶಾಖ ಮತ್ತು ಪೂರ್ವಭಾದ್ರ ನಕ್ಷತ್ರಕ್ಕೆ ಗುರು ದೆಸೆ ಇದರ ದೆಸೆ 16 ವರ್ಷಗಳು. * ಪುಷ್ಯ, ಅನುರಾಧಾ ಮತ್ತು ಉತ್ತರಾಭಾದ್ರ ನಕ್ಷತ್ರಕ್ಕೆ ಶನಿ ಅಧಿಪತಿ ಇದರ ದೆಸೆ 19 ವರ್ಷಗಳು. * ಆಶ್ಲೇಷ, ಜ್ಯೇಷ್ಠ ಮತ್ತು ರೇವತಿ, ನಕ್ಷತ್ರಕ್ಕೆ ಬುಧ ಅಧಿಪತಿ ಇದರ ದೆಸೆ 17 ವರ್ಷಗಳು. ಹೀಗೆ ಗ್ರಹಗಳ ಒಟ್ಟು ದೆಸೆ 120 ವರ್ಷ ಆಗುವುದು. ಈ ಪ್ರಕಾರ ಮನುಷ್ಯನ ದೀರ್ಘಾಯಸ್ಸು 120 ವರ್ಷ ಆಗುವುದು. ಉದಾಹರಣೆ, ಒಂದು ಮಗು ಅಶ್ವಿನಿ ನಕ್ಷತ್ರದಲ್ಲಿ ಜನನವಾಗಿರುವುದು ಎಂದು ತಿಳಿದರೆ ಪ್ರಾರಂಭದಲ್ಲಿ ಆ ಮಗುವಿಗೆ ಕೇತು ದೆಸೆ ಆರಂಭ ಆಗುವುದು. 120 ವರ್ಷಗಳ ಕಾಲ ಜೀವಿಸಬೇಕಾದರೆ ಕೆಲವು ನಿಯಮವನ್ನು ಜೀವನದಲ್ಲಿ ಪಾಲಿಸಬೇಕಾಗುವುದು. ಅವು ಯಾವುವು ಎಂದರೆ, * ಆಹಾರ-ವಿಹಾರದಲ್ಲಿ ಹಿತಮಿತವಾಗಿರಬೇಕು. * ವ್ಯಾಯಾಮ, ವಾಯು ಸಂಚಾರ, ಯೋಗಾಭ್ಯಾಸವನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. * ಧಾರ್ಮಿಕ, ಅಧ್ಯಾತ್ಮಿಕ ಪುಸ್ತಕಗಳನ್ನು ಅಧ್ಯಯನ ಮಾಡಬೇಕು. * ಧ್ಯಾನ, ಜಪ, ಸತ್ಸಂಗ್ ಮತ್ತು ಸಮಾಜ ಕಲ್ಯಾಣದ ಕೆಲಸಗಳಲ್ಲಿ ಭಾಗವಹಿಸಬೇಕು * ಮನಸ್ಸಿಗೂ ಮತ್ತು ಶರೀರಕ್ಕೂ ಸರಿ ಹೊಂದುವ ಕಾರ್ಯಗಳಲ್ಲಿ ನಿರತರಾಗಬೇಕು. * 50 ವರ್ಷದ ನಂತರ ಮನೆಯ ಜವಾಬ್ದಾರಿಯನ್ನು ಕಡಿಮೆ ಮಾಡಿಕೊಳ್ಳಬೇಕು. * ಕುಟುಂಬದ ಎಲ್ಲ ಸದಸ್ಯರಲ್ಲಿ ಮತ್ತು ಬಂಧು ಮಿತ್ರರಲ್ಲಿ ಸಂತೋಷದಿಂದ ಇರಬೇಕು. * ಜಾತಕದಲ್ಲಿ ಸಂಧಿ ಶಾಂತಿಗಳು ಇದ್ದರೆ ಕಡ್ಡಾಯವಾಗಿ ಮಾಡಿಕೊಳ್ಳಬೇಕು. ಈ ಎಲ್ಲ ನಿಯಮಗಳನ್ನು ಕ್ರಮವಾಗಿ ಪಾಲಿಸಿದರೆ ಜ್ಯೋತಿಷ್ಯ ಶಾಸ್ತ್ರದಲ್ಲಿ ಹೇಳಿರುವಂತೆ 120 ವರ್ಷಗಳ ಕಾಲ ಸಂತೋಷದಿಂದ ಬದುಕಬಹುದು.