ಬುದ್ಧಿಶಕ್ತಿಯನ್ನು ಕೊಲ್ಲುವ ಆಹಾರಗಳಿವು

ಬುದ್ಧಿಶಕ್ತಿಯನ್ನು ಕೊಲ್ಲುವ ಆಹಾರಗಳಿವು ಕೆಲವೊಂದು ಆಹಾರಗಳಲ್ಲಿರುವ ಪೋಷಕಾಂಶಗಳು ದೇಹದ ಮೇಲೆ ಧನಾತ್ಮಕ ಪರಿಣಾಮ ಬೀರುತ್ತದೆ. ಇದರಿಂದ ದೇಹದ ಶಕ್ತಿ ಹೆಚ್ಚಾಗಿ ಯಾವಾಗಲೂ ಉಲ್ಲಾಸದಿಂದ ಇರಲು ಸಾಧ್ಯವಾಗುತ್ತದೆ. ಇನ್ನು ಕೆಲವು ಆಹಾರಗಳು ನಮ್ಮ ಮೆದುಳನ್ನು ಚುರುಕುಗೊಳಿಸುತ್ತದೆ. ಇದರಿಂದ ನಮ್ಮ ಜ್ಞಾಪಕ ಶಕ್ತಿ ಕೂಡ ಹೆಚ್ಚುತ್ತದೆ. ಮಿದುಳಿನ ಶಕ್ತಿಯನ್ನು ಹೆಚ್ಚಿಸುವ ಆಹಾರಗಳನ್ನು ತಿಂದರೆ ಒಳ್ಳೆಯದು. ಆದರೆ ಮೆದುಳಿನ ಶಕ್ತಿಯನ್ನು ಕುಗ್ಗಿಸುವಂತಹ ಕೆಲವು ಆಹಾರಗಳು ಇವೆ. ಇದನ್ನು ನಾವು ತಿಳಿಯದೆ ತಿನ್ನುತ್ತಲೇ ಇರುತ್ತೇವೆ. ಇಂತಹ ಆಹಾರಗಳು ಮೆದುಳಿನ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿ ಜ್ಞಾಪಕ ಶಕ್ತಿಯನ್ನು ಕುಗ್ಗಿಸುತ್ತದೆ. ಇಂತಹ ಆಹಾರಗಳು ಮಿದುಳಿಗೆ ಋಣಾತ್ಮಕ ಪರಿಣಾಮ ಬೀರದಂತೆ ಮಾಡಲು ಕೆಲವೊಂದು ಸಲಹೆಗಳನ್ನು ನೀಡಲಾಗುತ್ತದೆ. ನಿಮ್ಮ ಜ್ಞಾಪಕ ಶಕ್ತಿಯನ್ನು ನಿಧಾನವಾಗಿ ಕೊಲ್ಲುವ 11 ಬಗೆಯ ಆಹಾರಗಳನ್ನು ಇಲ್ಲಿ ಪಟ್ಟಿ ಮಾಡಲಾಗಿದೆ. 1. ಸಕ್ಕರೆ ಉತ್ಪನ್ನಗಳು ಸಕ್ಕರೆ ಮತ್ತು ಸಕ್ಕರೆ ಉತ್ಪನ್ನಗಳು ನಿಮ್ಮಲ್ಲಿ ಬೊಜ್ಜು ಹೆಚ್ಚಿಸುವುದಲ್ಲದೆ, ಮಿದುಳಿನ ಕ್ರಿಯೆಯ ಮೇಲೆ ಕೂಡ ಪರಿಣಾಮ ಬೀರುತ್ತದೆ. ದೀರ್ಘಾವಧಿ ತನಕ ಸಕ್ಕರೆ ಸೇವನೆಯಿಂದಾಗಿ ನರದ ಸಮಸ್ಯೆ ಉಂಟಾಗಬಹುದು ಮತ್ತು ಇದು ಮೆದುಳಿನ ಮೇಲೆ ಪರಿಣಾಮ ಬೀರಬಹುದು. ಮತ್ತೊಂದು ಕಡೆಯಲ್ಲಿ ಸಕ್ಕರೆ ನಿಮ್ಮ ಕಲಿಯುವ ಸಾಮರ್ಥ್ಯದ ಮೇಲೂ ಪರಿಣಾಮ ಬೀರಬಹುದು. ಇದರಿಂದಾಗಿ ಬೇಕರಿ ಪದಾರ್ಥಗಳು, ಸಕ್ಕರೆ, ಕಾರ್ನ್ ಸಿರಪ್ ಮತ್ತು ಫ್ರಕ್ಟೋಸ್ ಹೆಚ್ಚಾಗಿರುವ ಆಹಾರಗಳನ್ನು ತ್ಯಜಿಸಬೇಕು. 2. ಮದ್ಯಪಾನ ದೀರ್ಘಾವಧಿ ತನಕ ಮದ್ಯಪಾನ ಮಾಡಿದರೆ ಲಿವರ್ ಸಮಸ್ಯೆ ಕಾಡುವುದು ಸಾಮಾನ್ಯ ಮತ್ತು ಇದು `ಮಿದುಳಿನ ಮಂಜು'(ಬ್ರೈನ್ ಫಾಗ್)ನ್ನು ಉಂಟು ಮಾಡಬಹುದು. ಇದರ ಹೆಸರೇ ಹೇಳಿದಂತೆ ಮಿದುಳಿನ ಮಂಜುವಿನಿಂದ ಮಾನಸಿಕ ಗೊಂದಲವಾಗಬಹುದು. ಇದು ನಿಮ್ಮ ಯೋಚನೆಯ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರಬಹುದು ಹಾಗೂ ನಿಮ್ಮ ಜ್ಞಾಪಕ ಶಕ್ತಿ ಮೇಲೆಯೂ ಪರಿಣಾಮವಾಗಬಹುದು. ಕೆಲವು ಸಾಮಾನ್ಯ ವಸ್ತುಗಳ ಹೆಸರು ಅಥವಾ ಕೆಲವು ಘಟನೆಗಳನ್ನು ನೆನಪಿಸಿಕೊಳ್ಳಲು ಕಷ್ಟವಾಗುವುದನ್ನು ಯಾವತ್ತಾದರೂ ಗಮನಿಸಿದ್ದೀರಾ? ಇದು ಕನಸೇ ಅಥವಾ ನಿಜವೇ ಎನ್ನುವ ಬಗ್ಗೆ ನಿಮಗೆ ಖಚಿತತೆಯಿಲ್ಲವೇ? ಹೀಗೆ ಆಗುತ್ತಿದ್ದರೆ ಅದು ಮದ್ಯಪಾನ ಸೇವನೆಯ ಪರಿಣಾಮ. ಇದು ಮಿದುಳಿನ ಮೇಲೆ ಪರಿಣಾಮ ಬೀರುತ್ತದೆ. ನೀವು ಮದ್ಯಪಾನ ಸೇವನೆಯನ್ನು ಕಡಿಮೆ ಮಾಡಿದರೆ ಅಥವಾ ವಾರಕ್ಕೆ ಒಂದೆರಡು ಸಲ ಮಾತ್ರ ಮದ್ಯಪಾನ ಮಾಡಿದರೆ ಈ ಸಮಸ್ಯೆಯನ್ನು ನಿವಾರಿಸಬಹುದು. 3. ಜಂಕ್ ಫುಡ್ ಮೊಂಟ್ರೆಲಾದಲ್ಲಿ ಇತ್ತೀಚೆಗೆ ನಡೆಸಿದ ಅಧ್ಯಯನದಿಂದ ಜಂಕ್ ಫುಡ್ ನಿಂದ ಮೆದುಳಿನ ರಾಸಾಯನಿಕ ಬದಲಾವಣೆಯಾಗಿ ಇದು ಖಿನ್ನತೆ ಮತ್ತು ವ್ಯಾಕುಲತೆ ಉಂಟು ಮಾಡುತ್ತದೆ ಎನ್ನುವುದು ತಿಳಿದುಬಂದಿದೆ. ಕೊಬ್ಬಿನಾಂಶ ಹೆಚ್ಚಾಗಿರುವ ಆಹಾರಗಳು ಸಹ ಕೆಲವು ಲಕ್ಷಣಗಳನ್ನು ಪ್ರಚೋದಿಸಬಹುದು. ನೀವು ಅವುಗಳನ್ನು ಸೇವಿಸುವುದನ್ನು ನಿಲ್ಲಿಸಿದಾಗ ಅವು ಇಂತಹ ಲಕ್ಷಣಗಳನ್ನು ತೋರಿಸಬಹುದು. ಸಂತಸ ಹಾಗೂ ಒಳ್ಳೆಯ ಭಾವನೆ ಉಂಟು ಮಾಡಲು ಪ್ರಮುಖವಾಗಿರುವ ರಾಸಾಯನಿಕ ಡೊಪಮೈನ್ ಉತ್ಪಾದನೆ ಮೇಲೆ ಇದು ಪರಿಣಾಮ ಬೀರಬಹುದು. ಡೊಪಮೈನ್ ಅರಿವಿನ ಕ್ರಿಯೆ, ಕಲಿಯುವ ಸಾಮರ್ಥ್ಯ, ಚುರುಕುತನ, ಪ್ರೇರಣೆ ಮತ್ತು ಸ್ಮರಣಶಕ್ತಿಗೆ ಬೆಂಬಲ ನೀಡುತ್ತದೆ. ಇದರಿಂದಾಗಿ ಕೊಬ್ಬು ಹೆಚ್ಚಾಗಿರುವ ಆಹಾರಗಳನ್ನು ತ್ಯಜಿಸುವುದು ತುಂಬಾ ಮುಖ್ಯ. 4. ಕರಿದ ತಿಂಡಿಗಳು ಬಹುತೇಕ ಎಲ್ಲಾ ಸಂಸ್ಕರಿತ ಆಹಾರಗಳು ರಾಸಾಯನಿಕಗಳು, ಬಣ್ಣ, ಸೇರ್ಪಡೆಗಳು, ಕೃತಕ ರುಚಿ, ಸಂಸ್ಕರಣವನ್ನು ಒಳಗೊಂಡಿರುತ್ತದೆ. ಈ ಹೈಪರ್ ಆ್ಯಕ್ಟಿವ್ ಉಂಟು ಮಾಡುವ ರಾಸಾಯನಿಕ ಕಾರಣ ಮಕ್ಕಳು ಮತ್ತು ವಯಸ್ಕರ ನಡವಳಿಕೆ ಮತ್ತು ಅರಿವಿನ ಕಾರ್ಯನಿರ್ವಹಣೆಯ ಮೇಲೆ ಪರಿಣಾಮ ಬೀರಬಹುದು. ಕರಿದ ಮತ್ತು ಸಂಸ್ಕರಿತ ಆಹಾರಗಳು ನಿಧಾನವಾಗಿ ಮೆದುಳಿನ ನರಮಂಡವನ್ನು ನಾಶ ಮಾಡುತ್ತದೆ. ಅದಾಗ್ಯೂ ಕೆಲವು ಎಣ್ಣೆಗಳು ತುಂಬಾ ಅಪಾಯಕಾರಿಯೆಂದು ಪರಿಗಣಿಸಲಾಗಿದೆ. ಅದರಲ್ಲೂ ಸೂರ್ಯಕಾಂತಿ ಎಣ್ಣೆ ಹೆಚ್ಚು ವಿಷಕಾರಿ ಅಂಶಗಳನ್ನು ಒಳಗೊಂಡಿದೆ. 5. ಸಂಸ್ಕರಿಸಿದ ಮತ್ತು ಮೊದಲೇ ಬೇಯಿಸಿದ ಆಹಾರಗಳು ಕರಿದ ಆಹಾರಗಳಂತೆ ಸಂಸ್ಕರಿಸಿದ ಮತ್ತು ಮೊದಲೇ ಬೇಯಿಸಿದ ಆಹಾರವು ಕೇಂದ್ರ ನರಮಂಡಲ ವ್ಯವಸ್ಥೆ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಇದರಿಂದ ಜೀವನದಲ್ಲಿ ಜ್ಞಾಪಕ ಶಕ್ತಿಯನ್ನು ಕಳಕೊಳ್ಳುವಂತಹ ಅಲ್ಜೈಮರ್ಸ್ ನಂತಹ ಕಾಯಿಲೆಗಳು ಕಾಡಬಹುದು. 6. ಹೆಚ್ಚು ಉಪ್ಪಿರುವ ಆಹಾರ ಹೆಚ್ಚು ಉಪ್ಪಿರುವ ಆಹಾರಗಳು ರಕ್ತದೊತ್ತಡದ ಮೇಲೆ ಪರಿಣಾಮ ಬೀರುತ್ತದೆ ಎನ್ನುವುದು ಪ್ರತಿಯೊಬ್ಬರಿಗೂ ತಿಳಿದಿದೆ ಮತ್ತು ಇದು ಹೃದಯದ ಮೇಲೂ ಪರಿಣಾಮ ಬೀರಬಹುದು. ಅದಾಗ್ಯೂ ಅಧ್ಯಯನಗಳು ಸಲಹೆ ಮಾಡುವಂತೆ ಹೆಚ್ಚು ಉಪ್ಪಿರುವ ಆಹಾರಗಳು ಅರಿವಿನ ಕ್ರಿಯೆ ಮತ್ತು ಯೋಚನಾ ಸಾಮರ್ಥ್ಯದ ಮೇಲೆ ಪರಿಣಾಮನ್ನುಂಟು ಮಾಡಬಹುದು. ಉಪ್ಪಿನಾಂಶ ಹೆಚ್ಚಿರುವ ಆಹಾರಗಳು ನಿಮ್ಮ ಜಾಣ್ಮೆಯನ್ನು ಕುಂದಿಸಬಹುದು. ಉಪ್ಪಿನಾಂಶ ಹೆಚ್ಚಾಗಿರುವ ಆಹಾರ ಮತ್ತು ನಿಕೋಟಿನ್ ಸೇವನೆ ಒಂದೇ ರೀತಿಯ ಪರಿಣಾಮ ಬೀರುತ್ತದೆ. 7. ಧಾನ್ಯಗಳು, ಶೇ. 100ರಷ್ಟು ಸಂಪೂರ್ಣ ಧಾನ್ಯ ಹೊರತುಪಡಿಸಿ ಎಲ್ಲಾ ವಿಧದ ಧಾನ್ಯಗಳು ನಿಮ್ಮ ಮೆದುಳಿನ ಕ್ರಿಯೆ ಮತ್ತು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಆದರೆ ಶೇ. 100ರಷ್ಟು ಸಂಪೂರ್ಣ ಧಾನ್ಯಗಳು ಸಮೃದ್ಧ ಮತ್ತು ನಾರಿನಾಂಶವನ್ನು ಹೊಂದಿರುತ್ತದೆ. ಇವು ಧಮನಿಯನ್ನು ವಯಸ್ಸಾಗುವುದಕ್ಕೆ ಕಾರಣವಾಗಬಹುದು. ನೀವು ದಿನನಿತ್ಯ ಧಾನ್ಯಗಳನ್ನು ಬಳಸಿದರೆ ನಿಮ್ಮ ದೇಹಕ್ಕೆ ಬೇಗನೆ ವಯಸ್ಸಾಗುತ್ತದೆ. ಇದರಿಂದ ಜ್ಞಾಪಕ ಶಕ್ತಿ ಕಳಕೊಳ್ಳುವುದು ಮತ್ತು ಮೆದುಳಿಗೆ ಮಂಜು ಮುಸುಕಿದಂತಹ ಅನುಭವವಾಗಹುದು. ಜಟಿಲ ಕಾರ್ಬೋಹೈಡ್ರೆಟ್ಸ್ ಗಳನ್ನು ನಿರಂತರವಾಗಿ ಸೇವನೆ ಮಾಡುವುದನ್ನು ತಪ್ಪಿಸಲು ಪ್ರಯತ್ನಿಸಿ. ಶೇ. 100ರಷ್ಟು ಸಂಪೂರ್ಣ ಧಾನ್ಯದಿಂದ ಮಾಡಲಾಗಿರುವ ಬ್ರೆಡ್ ಸೇವಿಸಿ. 8. ಸಂಸ್ಕರಿಸಿದ ಪ್ರೊಟೀನ್ ಪ್ರೊಟೀನ್ ಗಳು ದೇಹದ ಸ್ನಾಯುಗಳ ಬೆಳವಣಿಗೆ ಮತ್ತು ದೇಹ ಸರಿಯಾಗಿ ಕಾರ್ಯನಿರ್ವಹಿಸಲು ಇದು ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಮಾಂಸದಲ್ಲಿ ಉನ್ನತ ಗುಣಮಟ್ಟದ ಪ್ರೋಟೀನ್ ಇದೆ. ಆದರೆ ಹಾಟ್ ಡಾಗ್ಸ್, ಸಾಲಮಿ, ಸಾಸೇಜ್ ಮುಂತಾದವುಗಳನ್ನು ಕಡೆಗಣಿಸಿ. ನೈಸರ್ಗಿಕ ಪ್ರೋಟೀನ್ ನರವ್ಯೂಹದಲ್ಲಿ ನಿರೋಧಿಸಲು ದೇಹಕ್ಕೆ ನೆರವಾಗುತ್ತದೆ. ಸಂಸ್ಕರಿಸಿದ ಪ್ರೋಟೀನ್ ಇದಕ್ಕೆ ವಿರುದ್ಧವಾಗಿರುತ್ತದೆ. ನೈಸರ್ಗಿಕ ಮೀನು(ಟ್ಯುನ್ ಮತ್ತು ಸಲ್ಮೊನ್), ಹೈನು ಉತ್ಪನ್ನಗಳು, ವಾಲ್ ನಟ್ಸ್ ಮತ್ತು ನೈಸರ್ಗಿಕ ಬೀಜಗಳಕ್ಕು ಉನ್ನತ ಗುಣಮಟ್ಟದ ಪ್ರೋಟೀನ್ ಗಳಿವೆ. 9. ಅಪರಿಮಿತ ಕೊಬ್ಬನ್ನು ತ್ಯಜಿಸಿ ಅಪರಿಮಿತ ಕೊಬ್ಬು ಭಾರೀ ಸಮಸ್ಯೆಯನ್ನು ಸೃಷ್ಟಿಸುತ್ತದೆ. ಹೃದಯ ಸಂಬಂಧಿ ಸಹಿತ ಮೇದಸ್ಸು ಮತ್ತು ಸ್ಥೂಲಕಾಯ ಇದರಲ್ಲಿ ಪ್ರಮುಖವಾದದ್ದು. ಅದಾಗ್ಯೂ ಇದು ನಿಮ್ಮ ಮೆದುಳಿಗೆ ತುಂಬಾ ಕೆಟ್ಟ ಪರಿಣಾಮವನ್ನುಂಟು ಮಾಡುತ್ತದೆ. ಇದು ನಿಮ್ಮ ಮೆದುಳನ್ನು ನಿಷ್ಕ್ರೀಯವಾಗಿಸುತ್ತದೆ. ಇದು ಪ್ರತಿಫಲನ ಮತ್ತು ನಿಮ್ಮ ಮೆದುಳಿನ ಪ್ರತಿಕ್ರಿಯೆಯ ಗುಣಮಟ್ಟ ಮೇಲೆ ಪರಿಣಾಮ ಬೀರುತ್ತದೆ. ಇವುಗಳು ಪಾರ್ಶ್ಚವಾಯುವಿನ ಅಪಾಯವನ್ನು ಹೆಚ್ಚಿಸಬಹುದು. ಅತಿಯಾದ ಕೊಬ್ಬು ನಿಮ್ಮ ಮೆದುಳಿನ ಮೇಲೆ ಇತರ ಕೆಲವು ಪರಿಣಾಮ ಬೀರಬಹುದು: ದೀರ್ಘಾವಧಿಗೆ ಕೊಬ್ಬಿನ ಸೇವನೆಯಿಂದ ಮೆದುಳು ಸಂಕುಚಿತಗೊಳ್ಳುತ್ತದೆ. ಆಲ್ಜೈಮರ್ ಕಾಯಿಲೆಯಲ್ಲಿ ಆಗುವಂತೆ ಇಲ್ಲಿಯೂ ಮೆದುಳು ಸಂಕುಚಿತಗೊಳ್ಳುತ್ತದೆ. ಮೆದುಳಿನ ಕುಗ್ಗುವಿಕೆಯಿಂದ ಅಪಧಮನಿಗಳ ಮೇಲೆ ನಿಧಾನವಾಗಿ ಪರಿಣಾಮ ಬೀರುತ್ತದೆ. ಅತಿಯಾದ ಕೊಬ್ಬಿನ ಸೇವನೆ ಮಿತಿಗೊಳಿಸುವುದರಿಂದ ಇಂತಹ ಸಮಸ್ಯೆಗಳನ್ನು ಕಡಿಮೆ ಮಾಡಬಹುದು. 10. ಕೃತಕ ಸಿಹಿ ತೂಕ ಕಡಿಮೆ ಮಾಡಲು ಪ್ರಯತ್ನಿಸುವಾಗ ಕೆಲವರು ಸಕ್ಕರೆ ಬದಲಿಗೆ ಕೃತಕ ಸಿಹಿಯನ್ನು ಬಳಸಿದರೆ ದಿನರಾತ್ರಿಯಾಗುವುದರೊಳಗೆ ತೂಕ ಕಳಕೊಳ್ಳಬಹುದು ಎಂದು ಭಾವಿಸುತ್ತಾರೆ. ಕೃತಕ ಸಿಹಿ ಕಡಿಮೆ ಕ್ಯಾಲರಿಗಳನ್ನು ಹೊಂದಿರುವುದು ನಿಜ. ಆದರೆ ಇದು ಒಳ್ಳೆಯದಕ್ಕಿಂತ ಹೆಚ್ಚು ಕೆಟ್ಟದನ್ನು ಮಾಡುತ್ತದೆ. ದೀರ್ಘಾವಧಿಗೆ ಕೃತಕ ಸಿಹಿಯನ್ನು ಬಳಸಿದರೆ ಅದು ಮೆದುಳಿಗೆ ಪರಿಣಾಮ ಬೀರಿ ಸ್ಮರಣಶಕ್ತಿ ಕುಗ್ಗಿಸಬಹುದು. ಅದರಲ್ಲೂ ಅತಿಯಾದ ಕೃತಕ ಸಿಹಿ ಬಳಸುತ್ತಿದ್ದರೆ. 11. ನಿಕೋಟಿನ್ ನಿಕೋಟಿನ್ ಒಳ್ಳೆಯ ಆಹಾರ ಉತ್ಪನ್ನವಲ್ಲ, ಇದು ಅಂಗಾಗಕ್ಕೆ ರಕ್ತದ ಪ್ರವಹಿಸುವಿಕೆಯನ್ನು ನಿರ್ಬಂಧಿಸುವ ಮೂಲಕ, ಗ್ಲೂಕೋಸ್ ಮತ್ತು ಆಮ್ಲಜನಕದ ಸಾಮಾನ್ಯ ಹರಿವಿನೊಂದಿಗೆ ಮೆದುಳಿಗೆ ನಷ್ಟವನ್ನುಂಟು ಮಾಡುತ್ತಿದೆ. ನಿಕೋಟಿನ್ ನಿಂದಾಗಿ ಅಕಾಲಿಕ ವಯಸ್ಸಾಗುವಿಕೆ, ಬಾಯಿ ದುರ್ವಾಸನೆ ಮತ್ತು ಶ್ವಾಸಕೋಶದ ಕ್ಯಾನ್ಸರ್ ನ ಅಪಾಯವನ್ನು ಹೆಚ್ಚಿಸುತ್ತದೆ. ಆದರೆ ಇದು ರಕ್ತವಾಹಿನಿಗಳನ್ನು ಬಿಗಿಗೊಳಿಸಿ ನರಸಂವೇದಕಗಳ ನಿರ್ಮಾಣ ಮತ್ತು ಕ್ರಿಯೆಯ ಮೇಲೆ ಪರಿಣಾಮ ಬೀರಬಹುದು. ಮಿದುಳಿನ ಕ್ರಿಯೆಗೆ ಸಂಬಂಧಿಸಿದಂತೆ ಸಣ್ಣರಕ್ತನಾಳಗಳು ಪ್ರಮುಖ ಪಾತ್ರ ವಹಿಸುತ್ತದೆ.