ಗೋಧಿಯನ್ನು ರಾತ್ರಿ ಇಡಿ ನೆನೆಸಿ ಬೆಳಿಗ್ಗೆ ನೀರನ್ನು ಬಸಿದು, ಹಾಗೆಯೇ ಕತ್ತಲೆಯಲ್ಲಿ ಇಟ್ಟರೆ ಬೇಗನೆ ಮೊಳಕೆ ಬರುತ್ತದೆ. ನ೦ತರ ಈ ಮೊಳಕೆ ಬ೦ದ ಗೋಧಿಯನ್ನು - ಒ೦ದು ಟ್ರೇ ತ೦ದು ಅದರ ಬುಡಕ್ಕೆ ರ೦ದ್ರ ಮಾಡಿ (ಇಕ್ಕಳದಲ್ಲಿ ಮೊಳೆಯನ್ನು ಹಿಡಿದು ಗ್ಯಾಸ್ ಬೆ೦ಕಿಗೆ ಇಟ್ಟು ಬಿಸಿ ಮಾಡಿ ಟ್ರೇ ಯ ಬುಡದಲ್ಲಿ ಚಿತ್ರದಲ್ಲಿ ತೋರಿಸಿದ೦ತೆ ರ೦ದ್ರ ಮಾಡಿ) ಈ ಮೊಳಕೆ ತ೦ದ ಗೋಧಿಯನ್ನು ಟ್ರೇಯಲ್ಲಿ ಹರಡಿ ನೀರು ಚುಮುಕಿಸಿ, ಒ೦ದು ಬಟ್ಟೆಯನ್ನು ಒದ್ದೆ ಮಾಡಿ ಮೊಳಕೆ ತಾಗದ೦ತೆ ಮುಚ್ಚಿ. ಪ್ರತಿದಿನ ಬಟ್ಟೆಯ ಮೇಲಿ೦ದಲೇ ನೀರನ್ನು ಚಿಮುಕಿಸಿ...ಬಟ್ಟೆ ತೆಳು ಇದ್ದಷ್ಟೂ ಒಳ್ಳೆಯದು. 5-6 ದಿನದಲ್ಲೇ ಹುಲ್ಲು ಬೆಳೆಯುತ್ತದೆ. ನ೦ತರ ಸ್ವಲ್ಪ (ಅ೦ದಾಜಿನಲ್ಲಿ ನೂರು ಗ್ರಾ೦-ಸ್ವಲ್ಪ ಹೆಚ್ಚು ಕಡಿಮೆಯಾದರೇನೂ ತೊ೦ದರೆಯಿಲ್ಲ) ಗೋಧಿಹುಲ್ಲನ್ನು ತೆಗೆದು ಮಿಕ್ಸಿಯಲ್ಲಿ ಹಾಕಿ ಜ್ಯೂಸ್ ತಯಾರಿಸಿ... ಗಾಳಿಸಿ ಕುಡಿಯಿರಿ. ನೀರು ನಿಮಗೆ ಬೇಕಾದಷ್ಟು ಸೇರಿಸಿ... ಗಾಳಿಸುವಾಗಲೇ ನೀರು ಸೇರಿಸಿ... ಹೆಚ್ಚು ಸತ್ವ ಸಿಗುತ್ತದೆ. ಒ೦ದು ಲೋಟ ಬೆಳಿಗ್ಗೆ ಖಾಲಿ ಹೊಟ್ಟೆಗೆ ಕುಡಿಯಿರಿ.. ರುಚಿ ಒಗರು ಅನಿಸಿದರೆ ಕುಡಿಯಲಾಗದಿದ್ದರೆ, ಬೆಲ್ಲ ಅಥವಾ ಜೇನುತುಪ್ಪ ಸೇರಿಸಿ ಕುಡಿಯಿರಿ...ಮತ್ತೆ ಗೋಧಿಹುಲ್ಲಿನೊ೦ದಿಗೆ ಮನೆಯಲ್ಲಿ ಇದ್ದರೆ ನುಗ್ಗೆಸೊಪ್ಪು, ಭೃ೦ಗರಾಜ, ಗರಿಕೆ ಹುಲ್ಲನ್ನೂ ಸೇರಿಸಬಹುದು. ನೀವು ಬಯಸುವ ಪರಿಣಾಮ ಸಿಗುವ ವರೆಗೂ ಮಾಡಬೇಕು.. ಅದು ನಿಮ್ಮ ನಿಮ್ಮ ಆರೋಗ್ಯ ಸ್ಥಿತಿಯನ್ನು ಅವಲ೦ಭಿಸಿರುತ್ತದೆ..... ಎಷ್ಟೆಲ್ಲಾ ಲಾಭ ಇದೆ ಎ೦ದು ಇನ್ನೊಮ್ಮೆ ತಿಳಿಸುತ್ತೇನೆ........ ಹಿಮೊಗ್ಲೋಬಿನ್ ಹೆಚ್ಚಲು ಇದಕ್ಕಿ೦ತ ಒಳ್ಳೆಯ ಔಷಧಿ ಇಲ್ಲ...... ಮಾರ್ಕೆಟ್ ನಲ್ಲಿ ಸಿಗುವ ಕೃತಕ ಗೋಧಿಹುಲ್ಲಿನ ಪುಡಿ ದಯವಿಟ್ಟು ಬಳಸಬೇಡಿ......... ಪರಿಣಾಮ ಬೇಗನೆ ಸಿಗದು ಮತ್ತು ನೀವು ಬಯಸುವ ಪರಿಣಾಮವೂ ಸಿಗದು......... ಮಾಡಿ ಕುಡಿಯಿರಿ ಮತ್ತು ಆರೋಗ್ಯ ಪಡೆಯಿರಿ.
ಪೂಜಾ ವಿಧಿ ನಾವು ಹಿಂದಿನ ಭಾಗದಲ್ಲಿ ಪೂಜೆ ಮತ್ತು ನಿಯಮ ಇವುಗಳ ಬಗ್ಗೆ ತಿಳಿಸಿರುತ್ತೇನೆ. ಈ ಭಾಗದಲ್ಲಿ ಸಾಮಾನ್ಯವಾಗಿ ನಿತ್ಯ ಮಾಡುವ ಪೂಜೆ, ವೃತ ಇವುಗಳನ್ನು ಮಾಡುವಾಗ ದೇವರನ್ನು ಯಾವ ಮಂತ್ರದಿಂದ ಹೇಗೆ ಪೂಜಿಸಬೇಕು, ಕಲಶ ಸ್ಥಾಪನೆ ವಿಧಾನ ಹೇಗೆ, ಪ್ರಾಣ ಪ್ರತಿಷ್ಠೆ ವಿಧಾನ ಹೇಗೆ? ಇವುಗಳ ಬಗೆಗಿನ ಮಾಹಿತಿಯನ್ನು ತಿಳಿಸಿರುತ್ತೇವೆ. ಸಾಮಾನ್ಯವಾಗಿ ಯಾವುದೇ ದೇವರ ಪೂಜೆ ಇದ್ದರೂ ಪೂಜಿಸುವ ವಿಧಾನವನ್ನು ಶಾಸ್ತ್ರೋಕ್ತವಾಗಿ ವಿಧಿಸಿದಂತೆ ೧೬ (.ಒ೫ಷೋಢಶ) ಮುಖ್ಯ ಉಪಚಾರಗಳಿಂದಲೇ ಪೂಜಿಸುತ್ತೇವೆ. ಆದರೆ ಕೆಲವೊಮ್ಮೆ ದೇವಿಗೆ ಸಂಬಂಧಿಸಿದ ಪೂಜೆ ವಿಧಾನವಿದ್ದರೆ ಸೌಭಾಗ್ಯ ದ್ರವ್ಯದ ಕೆಲವು ಮಂತ್ರಗಳನ್ನು ಸೇರಿಸಬಹುದು. ಇವು ಷೋಢಶ (೧೬) ಉಪಚಾರದ ಮಂತ್ರಗಳಲ್ಲಿ ಸೇರಿರುವುದಿಲ್ಲ ಮತ್ತು ಪೂಜೆಯ ಆರಂಭ ಮತ್ತು ಅಂತ್ಯದಲ್ಲಿಯೂ ಕೆಲವು ಮಂತ್ರಗಳನ್ನು ಸೇರಿಸಬೇಕಾಗುತ್ತದೆ. ನಮ್ಮ ಸಂಸ್ಕೃತಿಯಲ್ಲಿ ಅನೇಕ ಬಗೆಯ ದೇವರುಗಳನ್ನು ಪೂಜಿಸುತ್ತಾರೆ. ನಾವಿಲ್ಲಿ ಎಲ್ಲಾ ಪೂಜೆಗೆ ಬಳಸಬಹುದಾದ, ಎಲ್ಲರೂ ಮಾಡಬಹುದಾದ ಸುಲಭ ವಿಧಾನವನ್ನು ತಿಳಿಸಿರುತ್ತೇವೆ. ಮಂತ್ರದ ಅಂತ್ಯದಲ್ಲಿ ಆ ಆ ದೇವರ ಹೆಸರನ್ನು ತೆಗೆದುಕೊಳ್ಳಬೇಕು ಮತ್ತು ಪೂಜೆಗೆ ಬೇಕಾದ ಎಲ್ಲಾ ಸಾಹಿತ್ಯಗಳನ್ನು ತಯಾರಿಸಿಕೊಂಡು ಪೂಜೆಗೆ ಕುಳಿತುಕೊಳ್ಳಬೇಕು. ಸಾಮಾನ್ಯವಾಗಿ ಪೂಜೆಗೆ ಬೇಕಾಗುವ ಸಾಮಗ್ರಿಗಳು: ಹಳದಿ ಕುಂಕುಮ ಅಕ್ಷತ ಎಲೆ ಅಡಿಕೆ ಅಗರಬತ್ತಿ ಕರ್ಪೂರ ದೀಪ + ಎಣ್ಣೆ + ಬತ್ತಿ ಬಿಡಿ ಹೂವು ಮಾಲೆ
Comments