ಜಾತಕದಲ್ಲಿ ಪಾಪಗ್ರಹದ ಫಲ

ಜಾತಕದಲ್ಲಿ ಪಾಪಗ್ರಹದ ಫಲ * ಮೂಲ್ಕಿ ಹರಿಶ್ಚಂದ್ರ ಪಿ. ಸಾಲಿಯಾನ್ ಗ್ರಹದೋಷದಿಂದ ಜನ ತೊಂದರೆ ಅನುಭವಿಸುತ್ತಾರೆ. ಉದ್ಯೋಗದಲ್ಲಿ ಸಮಸ್ಯೆ, ಅಪಮಾನ, ವೈರಿಕಾಟ ಆಗುತ್ತದೆ. ಸುತ್ತಲಿರುವ ಜನರಿಂದ ತೊಂದರೆ, ವಿನಾಕಾರಣ ಅಪವಾದಗಳು ಬರುತ್ತವೆ. ಗ್ರಹದೋಷ ಅಪಕೀರ್ತಿ ಹಾಗೂ ಕೆಲ ವೇಳೆ ಆಯುಷ್ಯಕ್ಕೂ ಕಂಟಕವಾಗುತ್ತದೆ. ವ್ಯಯ ಸ್ಥಾನದಲ್ಲಿ ಶನಿ, ರಾಹು ಯಾವುದಾದರೂ ಒಂದು ಗ್ರಹ ಇದ್ದರೂ, ಇವರಿಗೆ ದಾರಿದ್ರ್ಯ ಯೋಗವಾಗುತ್ತದೆ. ಇಂತಹವರಿಗೆ ಜೀವನ ಪೂರ್ತಿ ಬಡತನ ಬರುತ್ತದೆ. ವ್ಯಯ ಸ್ಥಾನದಲ್ಲಿ ಶನಿಯು ಬಹಳ ಕೆಟ್ಟ ಫಲವನ್ನು ಕೊಡುತ್ತದೆ. ಇಂತಹವರಿಗೆ ಅಧಿಕಾರದಲ್ಲಿ ತೊಂದರೆಯಾಗುತ್ತದೆ. ಇತರ ಕೆಲಸಗಳಲ್ಲಿ ಅಡೆತಡೆಯಾಗಿ ಕೆಲಸವನ್ನೇ ಕಳಕೊಳ್ಳುವ ಪ್ರಸಂಗವೂ ಬರಬಹುದು. ಶನಿ ಮಂಗಳದಿಂದ ಪಾಪಗ್ರಹಗಳು ಅತ್ಯಂತ ಕೆಟ್ಟ ಸ್ಥಿತಿಯಲ್ಲಿ ಪ್ರಬಲರಾಗಿದ್ದರೆ ಇವರು ಯಾವುದಾದರೂ ಪ್ರಕರಣದಲ್ಲಿ ಸಿಲುಕಿ ಬಂಧನಕ್ಕೆ ಒಳಗಾಗುತ್ತಾರೆ. ವ್ಯಯ ಸ್ಥಾನದಲ್ಲಿ ರವಿಯು ಯಾವುದೇ ಕೆಲಸವನ್ನು ಸರಿಯಾಗಿ ಮಾಡಲು ಬಿಡದೆ ಅರ್ಧಕ್ಕೆ ನಿಂತು ಹೋಗುವಂತೆ ಮಾಡುತ್ತದೆ. ವ್ಯಯ ಸ್ಥಾನದಲ್ಲಿ ಮಂಗಳನಿದ್ದರೆ ಇಂತಹವರ ಹೆಂಡತಿ ಮರಣ ಹೊಂದುತ್ತಾರೆ. ಗ್ರಹಗಳಿಗೆ ಸ್ಥಾನ ರಾಶಿ ಮತ್ತು ಯೋಗ ಹೀಗೆ ನಾಲ್ಕು ಬಗೆಯ ಫಲಗಳು ಇರುವವು. ಮೇಲಿನ ವರದಿಂದ ಸ್ಥಾನ ಬಲದ ಫಲ, ಪಾಪಗ್ರಹಗಳ ರಾಶಿಯಲ್ಲಿ ಪಾಪಗ್ರಹಗಳ ಫಲವು ಬಹಳ ತೀಕ್ಷ್ಣ ರೀತಿಯಿಂದ ಇರುತ್ತದೆ. ಕುಂಡಲಿಯಲ್ಲಿ ಕೇಂದ್ರದಲ್ಲಿರುವ ಗ್ರಹಗಳ ಫಲವು ಹೆಚ್ಚಾಗಿ ದೊರೆಯುವುದು. ತ್ರಿಕೋಣದಲ್ಲಿಯ ಗ್ರಹಗಳ ಫಲವು ಮೇಲಿನ ಫಲಕ್ಕಿಂತ ಕಡಿಮೆ. ಅಷ್ಟಮ ಮತ್ತು ವ್ಯಯ ಸ್ಥಾನದಲ್ಲಿಯ ಫಲವು ಸಾಮಾನ್ಯ ಕುಂಡಲಿಯಲ್ಲಿ ಗ್ರಹವು ಸ್ವಾತಂತ್ರ್ಯ ಇದ್ದಷ್ಟು ಫಲ ಜಾಸ್ತಿ ಕೊಡುವುದು. ಇಂತಹ ಗ್ರಹಗಳು ಇನ್ನೊಂದು ಗ್ರಹದೊಂದಿಗೆ ಇಲ್ಲದಿರುವುದು ಮತ್ತು ಇತರ ಗ್ರಹಗಳ ದಷ್ಟಿ ಇಲ್ಲದೆ ಇರುವುದು. ಇದು ಸ್ವತಂತ್ರ ಗ್ರಹವಾಗುತ್ತದೆ. ವಕ್ರ ಗ್ರಹದ ಫಲವು ವಕ್ರವಾಗಿರುತ್ತದೆ. ಅಸ್ತಂಗತ ಗ್ರಹಗಳ ಫಲವು ಸಿಗುವುದಿಲ್ಲ. ಕುಂಡಲಿಯಲ್ಲಿ ಬಲಿಷ್ಠ ಗ್ರಹ ಯಾವುದು ಇರುತ್ತದೆಯೋ ಅದಕ್ಕೆ ಅನುಗುಣವಾಗಿ ಫಲ ಕೊಡುತ್ತದೆ. ಕುಂಡಲಿಯಲ್ಲಿ ದ್ವಾದಶ ಸ್ಥಾನಗಳಲ್ಲಿ ಮತ್ತು ಆಯಾ ಭಾಗಗಳಲ್ಲಿ ಯಾವ ಅಂಶವು ವಿಧಿತವಿರುವುದೋ ಮತ್ತು ಆ ಅಂಶದ ಸಮೀಪದಲ್ಲಿ ಯಾವ ಗ್ರಹ ಇರುವುದೋ, ಆ ಗ್ರಹದ ಫಲವು ಇಡೀ ಆಯುಷ್ಯದಲ್ಲಿ ದೊರೆಯುವುದು. ಒಂದೇ ಮನೆಯಲ್ಲಿ ಅನೇಕ ಗ್ರಹಗಳಿದ್ದರೆ ಪ್ರತಿಯೊಂದು ಗ್ರಹದ ಫಲವು ಆ ಗ್ರಹಗಳ ಯೋಗ ಕಾಲವು ಬರುವವರೆಗೆ ಅದರ ಫಲವು ಸಿಗುವುದಿಲ್ಲ.