ಯಾರಿಗೆ ಯಾರು ಮಿತ್ರರು?----ನವಗ್ರಹಗಳ ಫಲಾಫಲಗಳು

ಯಾರಿಗೆ ಯಾರು ಮಿತ್ರರು? *ರವಿಗೆ ಚಂದ್ರ, ಕುಜ, ಗುರು, ಕೇತು ಮಿತ್ರರು. *ಚಂದ್ರನ ಮಿತ್ರರು ರವಿ, ಕೇತು, ಬುಧ. *ಕುಜನಿಗೆ ರವಿ, ಚಂದ್ರ, ಗುರು, ಕೇತು ಮಿತ್ರರು. *ಬುಧನ ಮಿತ್ರರು ರವಿ, ಶುಕ್ರ, ರಾಹು. *ಗುರುವಿಗೆ ರವಿ, ಚಂದ್ರ, ಕುಜ, ಕೇತು ಮಿತ್ರರು. *ಶುಕ್ರನ ಮಿತ್ರರು ಬುಧ, ಶನಿ, ರಾಹು. *ಶನಿಗೆ ಬುಧ, ಶುಕ್ರ, ರಾಹು ಮಿತ್ರರು. *ರಾಹುವಿನ ಮಿತ್ರರು ಬುಧ, ಶುಕ್ರ, ಶನಿ. *ಕೇತುವಿಗೆ ರವಿ, ಚಂದ್ರ, ಕುಜ, ಗುರು ಮಿತ್ರರು. ಶತ್ರುಗಳು *ರವಿಗೆ ಶುಕ್ರ, ಶನಿ, ರಾಹು ಶತ್ರುಗಳು. *ಚಂದ್ರನ ಶತ್ರು ರಾಹು. *ಕುಜನಿಗೆ ರಾಹು, ಬುಧ ಶತ್ರುಗಳು. *ಬುಧ ಶತ್ರು ಚಂದ್ರ. *ಗುರುವಿಗೆ ಬುಧ ಶುಕ್ರ ಶತ್ರುಗಳು. *ಶುಕ್ರನ ಶತ್ರುಗಳು ರವಿ, ಚಂದ್ರ, ಕೇತು. *ಶನಿಗೆ ರವಿ, ಚಂದ್ರ, ಕುಜ, ಕೇತುಗಳು ಶತ್ರುಗಳು. *ರಾಹುವಿನ ಶತ್ರುಗಳು ರವಿ, ಚಂದ್ರ, ಕುಜ. *ಕೇತುವಿಗೆ ಶುಕ್ರ, ಶನಿ ಶತ್ರುಗಳು. ಇಂತಹ ನವಗ್ರಹಗಳು ತಮ್ಮ ಅವಧಿಯಲ್ಲಿ (ದಶಾ ವರ್ಷಗಳಲ್ಲಿ) ಮನುಷ್ಯನ ಮೇಲೆ ಹಲವಾರು ರೀತಿಯ ಪರಿಣಾಮಗಳನ್ನು ಬೀರುತ್ತವೆ. ಹಾಗಾಗಿ ಆಯಾ ದೆಶೆಗಳಲ್ಲಿ ತಮ್ಮ ಜಾತಕ ಪರಿಶೀಲಿಸಿಕೊಂಡು ಸೂಕ್ತ ದೋಷಗಳನ್ನು ಪರಿಹಾರ ಮಾಡಿಕೊಳ್ಳಬಹುದು. ನವಗ್ರಹಗಳ ಫಲಾಫಲಗಳು ಮೂಲ್ಕಿ ಹರಿಶ್ಚಂದ್ರ ಪಿ. ಸಾಲಿಯಾನ್ ಕರ್ಮ ಭಾವವು ಜಾತಕನ ವತ್ತಿ, ಮಾನ, ಗೌರವ, ಕೀರ್ತಿಗಳನ್ನು ತಿಳಿಸುತ್ತದೆ. ದಶಮದ ಶನಿಯು ಶುಭಕಾರಿಯಲ್ಲ. ಶನಿಯು ಅಶುಭ ಹಾಗೂ ಕ್ರೂರ ಗ್ರಹ. ದಶಮದ ಶನಿಯಿಂದ ಸಂಬಂಧಪಟ್ಟ ಜಾತಕರು ಉದ್ಯೋಗದಲ್ಲಿ ತೊಂದರೆಯನ್ನು ಅನುಭವಿಸುತ್ತಾರೆ. ಶನಿ ಮತ್ತು ರವಿ ಯುಕ್ತರಾಗಿದ್ದರೆ, ಜಾತಕನು ಕಳಂಕವನ್ನು ಅನುಭವಿಸುತ್ತಾನೆ. ತುಲಾ ರಾಶಿ, ದಶಮವಾಗಿದ್ದು, ಅಲ್ಲಿ ಶನಿ ಇದ್ದರೆ ಜಾತಕನು ಶ್ರೀಮಂತನಾಗುತ್ತಾನೆ. ದಶಮದಲ್ಲಿಯ ಗುರುವು ಯಶಸ್ಸನ್ನು ತರುತ್ತಾನೆ. ದಶಮದಲ್ಲಿ ಗುರು, ಮಂಗಳ ಯುಕ್ತನಾಗಿದ್ದರೆ ಜಾತಕನು ಕೆಲಸವನ್ನು ಕಳೆದುಕೊಳ್ಳುತ್ತಾನೆ. ದಶಮದಲ್ಲಿ ಗುರು, ಶನಿ ಇದ್ದರೆ ಎಲ್ಲವನ್ನೂ ನಿಷ್ಫಲ ಮಾಡುತ್ತಾರೆ. ದಶಮದಲ್ಲಿ ಮಂಗಳ, ಗುರು ಇದ್ದರೆ ಜಾತಕನು ತೊಂದರೆಗೆ ಸಿಲುಕುತ್ತಾನೆ. ದಶಮದಲ್ಲಿ ರವಿ, ಚಂದ್ರರ ಯೋಗ ಇದ್ದರೆ ಜಾತಕನಿಗೆ ಸಮಾಜದಲ್ಲಿ ಉಚ್ಛ ಸ್ಥಾನ ಸಿಗುವುದಿಲ್ಲ. ದಶಮವು ಕನ್ಯಾ ರಾಶಿಯಾಗಿದ್ದು, ಅಲ್ಲಿ ಗುರು ಇದ್ದರೆ, ಜಾತಕನಿಗೆ ಕೆಳ ಮಟ್ಟದ ಹುದ್ದೆ ಸಿಗುತ್ತದೆ. ದಶಮವು ಕರ್ಕಾಟಕ ರಾಶಿಯಾಗಿದ್ದು, ಅಲ್ಲಿ ಗುರು, ಕರ್ಕಾಟಕ, ನವಾಂಶದಲ್ಲಿ ಗುರು ಇದ್ದರೆ, ಜಾತಕನು ಸರಕಾರದ ಪರ ವಕೀಲನಾಗುತ್ತಾನೆ. ಕರ್ಕಾಟಕ ಲಗ್ನವಿದ್ದು, ದಶಮ ಮೇಷ ರಾಶಿಯಾಗುವುದು. ಈ ಲಗ್ನದ ಧನಾಧಿಪನಾದ ರವಿಯು ದಶಮ ಸ್ಥಾನದಲ್ಲಿದ್ದರೆ, ಆ ಜಾತಕನಿಗೆ ಹಣದ ಚಿಂತೆಯೇ ಇರುವುದಿಲ್ಲ. ಲಗ್ನ ರಾಶಿಯಾದ ಮೇಷ, ಸಿಂಹ, ಧನು ರಾಶಿಗಳಲ್ಲಿ ರವಿಯು ಬಹಳ ಬಲಿಷ್ಠನಾಗುತ್ತಾನೆ. ಮೀನ ಲಗ್ನದವರಿಗೆ ಧನು ರಾಶಿಯು ದಶಮವಾಗುವುದು. ಈ ರಾಶಿಯಲ್ಲಿ ರವಿಯು ದಷ್ಟನಾಗಿದ್ದರೆ ಜಾತಕನಿಗೆ ಅಹಂಕಾರವು ವಿಪರೀತ ಇರುತ್ತದೆ. ಜಾತಕನ ದಶಮ ಸ್ಥ್ಥಾನದಲ್ಲಿ ಶುಕ್ರನಿದ್ದರೆ, ಆತನಿಗೆ ಪ್ರತಿ ಕಾರ್ಯದಲ್ಲಿಯೂ ಶುಭವಾಗುತ್ತದೆ. ನಪುಂಸಕ ಗ್ರಹನಾದ ಬುಧನು ದಶಮದಲ್ಲಿ ಇದ್ದರೆ, ತಾನಿದ್ದ ರಾಶಿಯ ಗುಣದಂತೆ ಫಲವನ್ನು ಕೊಡುತ್ತಾರೆ. ದಶಮದಲ್ಲಿಯ ಬುಧನು ವ್ಯವಹಾರಕ್ಕೆ ಬಹಳ ಅನುಕೂಲ. ಶುಭ ಗ್ರಹದೊಂದಿಗೆ ಇದ್ದರೆ ಒಳ್ಳೆಯದು. ದಶಮದ ಅಧಿಪತಿಯು ಬುಧನಿದ್ದರೆ, ಜಾತಕನು ಸ್ವಂತ ಉದ್ಯೋಗವನ್ನು ಮಾಡುತ್ತಾನೆ. ಚಂದ್ರನು ದಶಮದಲ್ಲಿದ್ದರೆ, ಜಾತಕನು ಒಂದೇ ಹುದ್ದೆಯಲ್ಲಿ ಸ್ಥಿರವಾಗಿ ನಿಲ್ಲುವುದಿಲ್ಲ. ಚಂದ್ರನು ಪಾಪಗ್ರಹಗಳೊಂದಿಗೆ ಇದ್ದರೆ, ಜಾತಕನಿಗೆ ಅಪಕೀರ್ತಿ ಬರುತ್ತದೆ. ಚಂದ್ರನು ಶುಭ ಗ್ರಹಗಳೊಂದಿಗೆ ಇದ್ದರೆ, ಜಾತಕನು ತನ್ನ ಸ್ವಂತಕ್ಕೆ ಮಾತ್ರ ಉದ್ಯೋಗ ಮಾಡುತ್ತಾನೆ. ಚಂದ್ರನು ಗುರು ಚಂದ್ರರ ಯೋಗದಲ್ಲಿ ಇದ್ದರೆ ಜಾತಕನು ಬಹಳ ಶ್ರೀಮಂತನಾಗುತ್ತಾನೆ. ದಶಮ ಲಗ್ನ ರಾಶಿಯಾಗಿದ್ದು, ಅಲ್ಲಿ ಗ್ರಹಗಳು ಜಾಸ್ತಿ ಇದ್ದರೆ, ಜಾತಕನು ಜ್ಞಾನಿಯಾಗುತ್ತಾನೆ. ಅವನಿಗೆ ವಿಶೇಷ ಕಲ್ಪನಾ ಶಕ್ತಿ ಇರುತ್ತದೆ. ವಾಯು ರಾಶಿಯು ದಶಮವಾಗಿದ್ದರೆ ಲೇಖನಗಳನ್ನು, ಗ್ರಂಥಗಳನ್ನು ಬರೆಯುತ್ತಾನೆ. ಉದ್ಯೋಗ ಇಲ್ಲದಿದ್ದರೆ ಲೇಖನಗಳನ್ನು ಬರೆದು ಜೀವಿಸುತ್ತಾನೆ. ಜಲ ರಾಶಿಯು ದಶಮವಾಗಿದ್ದರೆ, ಜಲಕ್ಕೆ ಸಂಬಂಧಿಸಿದ ಪೆಟ್ರೋಲ್, ಸೀಮೆ ಎಣ್ಣೆ, ನೀರಿನ ಉದ್ಯೋಗ ಮಾಡಿ ಜೀವಿಸುತ್ತಾನೆ. ಚರ ರಾಶಿಗಳಾದ ಮೇಷ, ಕರ್ಕಾಟಕ, ತುಲಾ ಮತ್ತು ಮಕರ ರಾಶಿಗಳಲ್ಲಿ ಹೆಚ್ಚಾಗಿ ಗ್ರಹ ಇದ್ದರೆ, ಸಾರ್ವಜನಿಕ ಕ್ಷೇತ್ರದಲ್ಲಿ ಜಾತಕನಿಗೆ ಯಶಸ್ಸು ದೊರೆಯುತ್ತದೆ. ಸ್ಥಿರ ರಾಶಿಗಳಾದ ವಷಭ, ಸಿಂಹ, ವಶ್ಚಿಕ ಮತ್ತು ಕುಂಭ ರಾಶಿಗಳಲ್ಲಿ ಹೆಚ್ಚಾಗಿ ಗ್ರಹ ಇದ್ದರೆ, ಜಾತಕನು ವೈದ್ಯನಾಗುತ್ತಾನೆ. ಇಲ್ಲವೇ ವೈದ್ಯಕೀಯ ವತ್ತಿಯಲ್ಲಿ ಇರುತ್ತಾನೆ.