ಸ್ತ್ರೀಯ ಕುಂಡಲಿಯಂತೆ ಪತಿಯ ಸ್ವಭಾವ

ಸ್ತ್ರೀಯ ಕುಂಡಲಿಯಂತೆ ಪತಿಯ ಸ್ವಭಾವ * ಮೂಲ್ಕಿ ಹರಿಶ್ಚಂದ್ರ ಪಿ. ಸಾಲಿಯಾನ್ ಸ್ತ್ರೀಯರ ಜಾತಕದಲ್ಲಿ ಯಾವ ಯಾವ ಗ್ರಹಗಳು ಎಲ್ಲೆಲ್ಲಿರುತ್ತವೆ ಎಂಬುದರ ಆಧಾರದ ಮೇಲೆ ಆಕೆಯ ಪತಿಯ ಸ್ವಭಾವ ಹೇಗಿರುತ್ತದೆ ಎಂಬುದನ್ನು ನಿರ್ಧರಿಸಬಹುದಾಗಿದೆ. ಬನ್ನಿ, ಸ್ತ್ರೀಯ ಕುಂಡಲಿಯಂತೆ ಪತಿಯ ಸ್ವಭಾವ ಹೇಗಿರುತ್ತದೆ ಎಂದು ನೋಡೋಣ. ಅಪ್ರಯೋಜಕ ಗಂಡ: ಜನ್ಮ ಲಗ್ನದಿಂದಾಗಲೀ, ಚಂದ್ರ ಲಗ್ನದಿಂದಾಗಲೀ ಸಪ್ತಮ ರಾಶಿಯಲ್ಲಿ ಗ್ರಹಗಳು ಇರುವುದಿಲ್ಲ. ಅಲ್ಲದೆ ಸಪ್ತಮವು ಬಲಹೀನವಾಗಿ ಶುಭಗ್ರಹಗಳ ದಷ್ಟಿಯೂ ಸಹ ಇರುವುದಿಲ್ಲ. ಇಂಥ ವೇಳೆ ಆಕೆಯ ಗಂಡನು ಪ್ರಯೋಜನಕ್ಕೆ ಬಾರದವನಾಗುತ್ತಾನೆ. ಸ್ತ್ರೀಯರ ಏಳನೆಯ, ಎಂಟನೆಯ ಮನೆಗಳು ಪಾಪ ಗ್ರಹಗಳ ದಷ್ಟಿಗೊಳಗಾಗಿದ್ದರೆ ಗಂಡ ಹೆಂಡತಿಯರಿಗೆ ಪರಸ್ಪರ ನಷ್ಟ ಉಂಟಾಗುತ್ತದೆ. ಸ್ತ್ರೀಯರ ಜಾತಕದಲ್ಲಿ ಶನಿ ಬುಧರು ಸಪ್ತಮದಲ್ಲಿದ್ದರೆ ಇವರು ವಿಧುರ ಗಂಡನನ್ನು ಕೈ ಹಿಡಿಯುತ್ತಾರೆ. ಸ್ತ್ರೀಯರ ಸಪ್ತಮ ರಾಶಿಯಲ್ಲಿ ಬುಧ ಶನಿಗಳಿದ್ದರೆ ಅಂತಹ ಸ್ತ್ರೀಯರ ಗಂಡ ನಪುಂಸಕರಾಗುವರು. ಸ್ತ್ರೀಯರ ಜಾತಕದಲ್ಲಿ ದುರ್ಬಲನೂ, ಪೀಡಿತನೂ ಆದ ಶುಕ್ರನು ಏಳನೆಯ ಮನೆಯಲ್ಲಿ ಇದ್ದರೆ ಗಂಡನು ನಪುಂಸಕನಾಗುತ್ತಾನೆ. ಸ್ತ್ರೀಯರ ಜಾತಕದಲ್ಲಿ ಸಪ್ತಮರ ಅಧಿಪತಿ ಅಥವಾ ಶುಕ್ರ ರಾಹುವಿನ ಸಂಗಡ ಇದ್ದು ಪಾಪ ವೀಕ್ಷಿತನಾಗಿದ್ದರೆ ಇವರ ಗಂಡ ವ್ಯಭಿಚಾರಿಯಾಗುತ್ತಾನೆ. ಸ್ತ್ರೀಯರ ಕುಂಡಲಿಯಲ್ಲಿ ಲಗ್ನ ಅಥವಾ ಚಂದ್ರ ರಾಶಿಯಿಂದ ಸಪ್ತಮ ಸ್ಥಾನಗಳು ಚರ ರಾಶಿಗಳಾದರೆ ಅಂತಹ ಸ್ತ್ರೀಯರ ಗಂಡನು ವತಾ ಅಲೆದಾಟ ಮಾಡುವವನೂ, ಸ್ಥಿರ ರಾಶಿಯಾಗಿದ್ದರೆ ಒಂದೇ ಸ್ಥಳದಲ್ಲಿ ನಿಲ್ಲತಕ್ಕವನೂ, ದ್ವಿಸ್ವಭಾವ ರಾಶಿಯಾದರೆ ಕೆಲವು ಸಮಯ ವತಾ ಅಲೆದಾಟ ಮಾಡುವವನೂ ಆಗಿರುತ್ತಾನೆ. ಇನ್ನು ಕೆಲವರು ಸ್ಥಿರವಾಗಿ ನಿಲ್ಲತಕ್ಕವರೂ ಆಗುತ್ತಾರೆ. ಲಗ್ನದಿಂದ, ಶುಕ್ರನಿರುವ ಸಪ್ತಮದ ಅಧಿಪತಿಯು ಬಲಯುತವಾಗಿ ಸಪ್ತಮದಲ್ಲಿದ್ದರೆ ಮತ್ತು ಸಪ್ತಮವು ಬಲಿಷ್ಠ ಗ್ರಹಗಳ ಸಂಬಂಧ ಹೊಂದಿದರೆ ಇಂತಹ ಜಾತಕರು ಗಂಡ ಹೆಂಡತಿಯೊಂದಿಗೆ ಸಾಯುತ್ತಾರೆ. ಸ್ತ್ರೀಯರ ಜನ್ಮ ರಾಶಿಯಿಂದ ಅಥವಾ ಜನ್ಮ ಲಗ್ನದಿಂದ ಸಪ್ತಮ ರಾಶಿಯಲ್ಲಿ ಪಾಪಗ್ರಹ ವೀಕ್ಷಿತನಾದ ವರ ಇದ್ದ ಪಕ್ಷದಲ್ಲಿ ಆ ಸ್ತ್ರೀಯು ಗಂಡನಿಂದ ಬಿಡುಗಡೆ ಹೊಂದುತ್ತಾಳೆ. ಸ್ತ್ರೀಯ ಜಾತಕದಲ್ಲಿ ಸಪ್ತಮ ಭಾವದಲ್ಲಿ ಶುಭಾಶುಭ ಗ್ರಹಗಳಿದ್ದರೆ ಇಂತಹವರು ಮೊದಲನೆಯ ಗಂಡನನ್ನು ಬಿಟ್ಟು ಎರಡನೆಯ ಮದುವೆಯಾಗುತ್ತಾರೆ. ಸಪ್ತಮದಲ್ಲಿ ದುರ್ಬಲ ಪಾಪಗ್ರಹಗಳಿದ್ದರೆ ಅದಕ್ಕೆ ಶುಭ ಗ್ರಹಗಳ ದಷ್ಟಿ ಇದ್ದರೆ ಅವಳ ಗಂಡನನ್ನು ಬಿಡುತ್ತಾಳೆ. ಸ್ತ್ರೀಯರ ಜಾತಕದಲ್ಲಿ ಪಾಪಗ್ರಹಗಳು ಏಳರಲ್ಲೋ, ಎಂಟರಲ್ಲೋ ಇದ್ದು, ಶುಭ ಗ್ರಹಗಳು ಒಂಭತ್ತನೆಯ ಮನೆಯಲ್ಲಿದ್ದರೆ ಗಂಡ ಹೆಂಡತಿಯರಿಬ್ಬರೂ ಸುಖಮಯ ಜೀವನ ಮಾಡುತ್ತಾರೆ. ಸ್ತ್ರೀಯರ ಜಾತಕದಲ್ಲಿ ಗುರು ಬಲಿಷ್ಠವಾಗಿದ್ದರೆ ಅಂತಹ ಸ್ತ್ರೀಯರ ಗಂಡನು ಬಹಳ ದಢಚಿತ್ತನಾಗಿರುತ್ತಾನೆ. ಸ್ತ್ರೀಯರ ಲಗ್ನದಿಂದ, ಚಂದ್ರ ಲಗ್ನದಿಂದ ಏಳನೆಯ ಮನೆಯ ಅಧಿಪತಿಗಳ ರಾಹು ಪೀಡಿತನಾಗಿದ್ದರೆ ಲಗ್ನದಿಂದ ಸಪ್ತಮದ ಅಧಿಪತಿಯು ಹನ್ನೊಂದರಲ್ಲಿ ರಾಹು ಸಮೇತರಾಗಿದ್ದರೆ ಇದರಿಂದ ಆ ಸ್ತ್ರೀಯ ಗಂಡನಿಗೆ ಇನ್ನೊಬ್ಬಳು ವಿವಾಹಿತ ಪತ್ನಿ ಇರುತ್ತಾಳೆ. ಸ್ತ್ರೀಯರ ಸಪ್ತಮ ಸ್ಥಾನದಲ್ಲಿ ಪಾಪ ದಷ್ಟಿಯನ್ನು ಹೊಂದಿದ ಶನಿ ಇದ್ದರೆ ಮದುವೆ ಆಗುವುದು ಕಷ್ಟವಾಗುತ್ತದೆ. ಸ್ತ್ರೀಯರ ಜಾತಕದಲ್ಲಿ ಎಂಟರಲ್ಲಿ ಏಳರ ಅಧಿಪತಿಯಾದ ಕುಜ ಇರುವುದು ಇದಕ್ಕೆ ರಾಹುವಿನ ಸಂಬಂಧ ಇರುವ ಶನಿಯ ದೃಷ್ಟಿ ಇದ್ದರೆ ಇವರ ಪತಿಯು ಮದುವೆಯಾದ ಕೆಲವೇ ವರ್ಷದಲ್ಲಿ ತೊಂದರೆಗೆ ಈಡಾಗುತ್ತಾರೆ. ಸಪ್ತಮ ಸ್ಥಾನದಲ್ಲಿ ಪಾಪ ವೀಕ್ಷಿತನಾದ ಕುಜನಿದ್ದ ಪಕ್ಷದಲ್ಲಿ ಆ ಸ್ತ್ರೀಯು ಬಾಲ್ಯದಲ್ಲಿಯೇ ಗಂಡನನ್ನು ಕಳೆದು ವಿಧವೆಯಾಗುವಳು. ಸ್ತ್ರೀಯರ ಜಾತಕದಲ್ಲಿ ದ್ವಿಸ್ವಭಾವ ರಾಶಿಯಲ್ಲಿ ಚಂದ್ರ ದ್ವಿಸ್ವಭಾವ ರಾಶಿಯಾದ ಏಳನೆಯ ಮನೆಯಲ್ಲಿ ನಾಲ್ಕು ಗ್ರಹಗಳಿರುವುದು ಕಾರಕ ಶುಕ್ರನು ಏಳರಲ್ಲಿದ್ದು ಚಂದ್ರನಿಂದ ಏಳನೆಯ ಹನ್ನೊಂದನೆಯ ಮನೆಗಳಿಗೆ ಸಂಬಂಧ ಉಂಟಾದರೆ ಅಂತಹ ಸ್ತ್ರೀಯರ ಗಂಡನಿಗೆ ತೊಂದರೆಯಾಗಿ ಆ ಸ್ತ್ರೀಗೆ ಎರಡನೆಯ ಮದುವೆಯಾಗಬಹುದು.