ನವಗ್ರಹ ದೋಷ ನಿವಾರಣೆಗಾಗಿ ಔಷಧೀಯ ಸ್ನಾನ

ಓಂ ಆರೋಗ್ಯಂ ಪ್ರದದಾತುನೋ ದಿನಕರಃ|| ಚಂದ್ರೋ ಯಶೋ ನಿರ್ಮಲಂ| ಭೂತಿಂಭೂಮಿಸುತಃ|| ಸುಧಾಂಶುತನಯೋ ಪ್ರಜ್ಞಾಂ|ಗುರುಗೌರವಂ|| ಕಾವ್ಯ ಕೋಮಲವಾಗ್ವಿಲಾಸಮತುಲಂ|| ಮಂದೋ ಮುದಂ ಸರ್ವದಾ|ರಾಹುರ್ಬಾಹು ಬಲಂ ಕರೋತು ವಿರೋದ ಶಮನಂ| ಕೇತುಂ ಕುಲಸ್ಯೋನ್ನತಿ ಕುರು ಸರ್ವದಾ|| ನವಗ್ರಹ ದೋಷ ನಿವಾರಣೆಗಾಗಿ ಔಷಧೀಯ ಸ್ನಾನ ಸಾಮಾನ್ಯವಾಗಿ ನವಗ್ರಹಗಳ ಕಾಟದಿಂದ ಮುಕ್ತಿ ಪಡೆದ ವ್ಯಕ್ತಿಗಳು ಇಲ್ಲವೆಂದೇ ಹೇಳಬಹುದು.ಹೀಗಿದ್ದಾಗ್ಯು ಪ್ರಾಪ್ತ ಸಮಯಗಳಲ್ಲಿ ಕೈಗೊಳ್ಳಬಹುದಾದಂತಹ ಕೆಲವು ಉತ್ತಮ ಪರಿಹಾರಗಳು ಈ ನವಗ್ರಹ ದೋಷನಿವಾರಣೆಯಲ್ಲಿ ಪಾತ್ರ ವಹಿಸುತ್ತವೆ. ಹಾಗಿದ್ದರೆ ನವಗ್ರಹ ದೋಷನಿವಾರಣೆಗೆ ಮಾಡ ಬಹುದಾದ ಆರೋಗ್ಯಕರ ಔಷಧೀಯ ಸ್ನಾನದ ಬಗ್ಗೆ ವಿವರವಾಗಿ ತಿಳಿಯೋಣ ಪ್ರಾಚೀನ ಗ್ರಂಥಗಳಲ್ಲಿ ತಿಳಿಸಿರುವಂತೆ ಸ್ನಾನ ಮಾಡುವಲ್ಲಿ ಏಳು ಕ್ರಮಗಳಿವೆ. ೧.ಮಂತ್ರಗಳ ಜಪ ಮಾಡುತ್ತಾ ಕೈಗೊಳ್ಳುವದನ್ನು ಮಂತಸ್ನಾನ ಎನ್ನುವರು. ೨.ಮೃತ್ತಿಕೆ(ವಿಶೇಷ ಪ್ರಕಾರದ ಮಣ್ಣು) ಮೆತ್ತಿಕೊಂಡು ಸ್ನಾನ ಮಾಡುವುದನ್ನು ಬೌಮ ಸ್ನಾನ ಎನ್ನುವರು. ೩.ವಿಭೂತಿಯನ್ನು ದೇಹಕ್ಕೆಲ್ಲಾ ಬಳಿದುಕೊಂಡು ಸ್ನಾನ ಮಾಡುವುದನ್ನು ಭಸ್ಮ ಸ್ನಾನ ಅಥವ ಅಗ್ನಿಸ್ನಾನ ಎನ್ನುವರು. ೪.ಹಸುವಿನ ದೂಳನ್ನು ಮೆತ್ತಿಕೊಂದು ಸ್ನಾನ ಮಾಡುವುದನ್ನು ವಾಯವ್ಯ ಸ್ನಾನ ಎನ್ನುವರು. ೫.ಸೂರ್ಯ ಕಿರಣಗಳು ಪ್ರಖರವಾಗಿ ಇದಾಗ ಈ ಮೊದಲೇ ಸಂಗ್ರಹಿಸಿಟ್ಟುಕೊಂಡಿರ ತಕ್ಕ ಮಳೆಯ ನೀರಿನಲ್ಲಿ ಸ್ನಾನ ಮಾಡುವುದನ್ನು ದಿವ್ಯಸ್ನಾನ ಎನ್ನುವರು. ೬.ಪವಿತ್ರವಾದ ನದಿಗಳಲ್ಲಿ ಮುಳುಗಿ ಸ್ನಾನ ಮಾಡುವುದನ್ನು ವರುಣ ಸ್ನಾನ ಎನ್ನುವರು. ೭. ಮಂಗಳಕರ ಸಮಾರಂಭಗಳಲ್ಲಿ ಹಬ್ಬ-ಹರಿದಿನಗಳಲ್ಲಿ ನಿಶ್ಚಿತ ಕ್ರಮದಲ್ಲಿ ಸ್ನಾನ ಮಾಡುವುದನ್ನು ಮಂಗಳಸ್ನಾನ ಎಂದು ಹೇಳಲಾಗುವುದು. ಹೀಗೆ ಒಟ್ಟಾರೆ ಏಳು ರೀತಿಯ ಸ್ನಾನಗಳಿವೆ ಇವುಗಳನ್ನು ಮಾಡುವುದರಿಂದ ದೇಹಶುದ್ದಿಯಾಗುತ್ತದೆ,ಪಾಪ ನಾಶವಾಗುತ್ತದೆ,ಪುಣ್ಯಲಭಿಸುತ್ತದೆ. ವಿಶೇಷವಾಗಿ ದೀಪಾವಳಿಯ ಸಂದರ್ಭದಲ್ಲಿ ಈ ಏಳು ರೀತಿಯ ಸ್ನಾನ ಮಾಡುವುದರಿಂದ ಆಗ ನವಗ್ರಹ ದೋಷಗಳೆಲ್ಲಾ ಸಾಕಷ್ಟು ಮಟ್ಟಿಗೆ ಪರಿಹಾರಗೊಳ್ಳುವವು ಮತ್ತು ಜಾತಕರು ತಮ್ಮನ್ನು ತಾವು ಸಂಮೃದ್ದಿಶಾಲಿಗಳಾಗಿ ಮಾಡಿಕೊಳ್ಳುತ್ತಾರೆ,ಆರೋಗ್ಯವಂತರು,ಹಾಗು ಪವಿತ್ರರಾಗಿ ಮಾಡಿಕೊಳ್ಳಬಲ್ಲರು. ದೀಪಾವಳಿಯ ಹಬ್ಬದಲ್ಲಿ ಪ್ರಾತಃಕಾಲದಲ್ಲಿ ಎದ್ದು ತೈಲಸ್ನಾನ ಮಾಡುವ ಅಭ್ಯಾಸವನ್ನು ಮುಂಚಿನಿಂದಲು ನಮ್ಮ ಪೂರ್ವಜರು ಅಳವಡಿಸಿಕೊಂಡು ಬಂದಿರುವರು. ದೇಹಕ್ಕೆಲ್ಲಾ ಎಣ್ಣೆ ಬಳಿದುಕೊಂಡು ಎಣ್ಣೆ ಸ್ನಾನ ಮಾಡಿಸಲಾಗುತಿತ್ತು. ಹೀಗೆ ಮಾಡಿದರೆ ಧನ-ಐಶ್ವರ್ಯಗಳ ಪ್ರಾಪ್ತಿಯಾಗುವುದೆಂಬ ನಂಬಿಕೆ ಇದೆ. ಇದೇ ಪ್ರಕಾರವಾಗಿ ಚತುರ್ಧಶಿಯಂದು ನರಕ ಪ್ರಾಪ್ತಿಯಿಂದ ಪಾರಾಗಲು ತೈಲಸ್ನಾನ ಮಾಡುವ ಕ್ರಮವಿದೆ. ಸ್ನಾನದ ಬಳಿಕ ಎಡಗೈ ಹಿಂಬಾಗದಿಂದ ಇಡೀ ಶರೀರವನ್ನು ನೀವಳಿಸಿದರೆ ಸಮಸ್ತ ಕಷ್ಟಗಳು ಕೊನೆಗೊಳ್ಳುವದೆಂಬ ಬಂಬಿಕೆ ಇರುವುದು. ನವಗ್ರಹ ದೋಷಗಳಿಂದ ಪಾರಾಗಲು ಹೀಗೆ ಸ್ನಾನ ಮಾಡಬೇಕು,ಗ್ರಹಗಲ ಪ್ರಕಾರ ಯಾವ್ಯಾವಔಷಧಿಗಳೆಂದು ನಿಯುಕ್ತಿ ಗೊಂಡಿರುವವೋ ಅವುಗಳನ್ನೆಲ್ಲಾ ಒಟ್ಟುಗೂಡಿಸಿಕೊಂಡು ಪುಡಿಮಾಡಿಟ್ಟುಕೊಳ್ಳಬೇಕು ಇವನ್ನು ಅಂದಾಜು ೨ಲೀಟರ್ ನೀರಿನಲ್ಲಿ ೨೪ ಗಂಟೆಗಳಷ್ಟು ಮುಳುಗಿಸಿಡಬೇಕು.ಯಾವಾಗ ಈ ಔಷಧಿಗಳ ಸತ್ವವು ನೀರಿನಲ್ಲಿ ಸೇರಿಕೊಂಡು ಬಿಡುಬುದೋ ಆಗ ಆ ನೀರನ್ನು ಚೆನ್ನಾಗಿ ಶೋಧಿಸಿ ಒಂದು ಪಾತ್ರೆ ಅಥವ ಬಾಟಲಿನಲ್ಲಿ ತುಂಬಿಸಿಟ್ಟುಕೊಳ್ಳಬೇಕು.ಉಳಿದ ಗಸಿಯನ್ನು ಎಸೆದುಬಿಡಬೇಕು. ನಂತರ ಬಾಟಲಿನಲ್ಲಿ ಸಂಗ್ರಹಿಸಿಟ್ಟುಕೊಂಡಿರುವ ಔಷಧೀಯ ಸತ್ವವುಳ್ಳ ನೀರನ್ನು ಒಂದು ಬಕೇಟ್ ಸ್ನಾನದ ನೀರಿಗೆ ಒಂದು ಲೋಟ ಸೇರಿಸಿ ಸ್ನಾನ ಮಾಡಬೇಕು. ಹೀಗೆ ಮಾಡುವುದರಿಂದ ಎಂತಹ ರೋಗಿಗೇ ಆಗಲಿ ಲಾಭವಾಗುವುದು ಅಂದರೆ ರೋಗ ಗುಣವಾಗುವುದು.ಈ ಪ್ರಯೋಗವನ್ನು ಕನಿಷ್ಟಪಕ್ಷ೪೦ ದಿನಗಳ ಕಾಲ ಸತತವಾಗಿ ಮಾಡಬೇಕು. ತುಂಬಾ ಹಳೆಯ ರೋಗವಾದಲ್ಲಿ ಹಾಗು ಔಷಧೀಯ ಸ್ನಾನದಿಂದ ಗುಣಕಂಡು ಬಂದಲ್ಲಿ ಆಗ ಇದನ್ನು ಹಾಗೇ ಸಂಪೂರ್ಣ ಗುಣವಾಗುವವರೆಗು ಮುಂದುವರೆಸಬಹುದು. ಅನುಭವದಿಂದ ತಿಳಿದು ಬಂದಿರುವುದೇನೆಂದರೆ ನಿದಾನವಾಗಿ ಗುಣಾವಾದರೆ ಈ ಪ್ರಯೋಗದಿಂದ ಲಾಭವಿದೆ ಇದೇ ವೇಳೆ ವೈದ್ಯರ ಔಷಧಿ ತಗೆದುಕೊಳ್ಳುತ್ತಿದ್ದರೆ ನಿಲ್ಲಿಸದೆ ಮುಂದುವರೆಸಬೇಕು.ಒಂದು ವೇಳೆ ವೈದ್ಯರು ಸ್ನಾನ ನಿಷೇಧ ಮಾಡಿದಲ್ಲಿ ಆಗ ಈ ಔಷಧೀಯ ಜಲವನ್ನು ರೋಗಿಯ ದೇಹದಮೇಲೆ ಪ್ರೋಕ್ಷಿಸಿ( ಸಿಂಪಡಿಸಿ,ಚುಮುಕಿಸಿ) ತೇವಗೊಂಡ ಬಟ್ಟೆಯಿಂದ ಸ್ವಚ್ಚಗೊಳಿಸಬೇಕು. ನವಗ್ರಹಗಳ ಔಷಧೀಯ ಮೂಲಿಕೆಗಳು. ಸೂರ್ಯ:- ಏಲಕ್ಕಿ,ದೇವದಾರು ವೃಕ್ಷದ ತೊಗಟೆ ಇಲ್ಲವೇ ಬೇರು,ಗಸಗಸೆ,ಕೇಸರಿ,ಕೆಂಪುಹೂವು,ಕೆಂಪು ಕಣಗಲೆ. ಚಂದ್ರ:- ಶಂಖ,ಶ್ವೇತ ಚಂದನ,ಪಂಚಗವ್ಯ,ಸೀಫಿ,ಸಂಪಿಗೆ ಮರದ ತೊಗಟೆಯ ಪುಡಿ ಒಂದು ತೊಲೆ ಶಂಖವನ್ನು ಹಾಗು ಸಂಗಮರದ ಕಲ್ಲನ್ನು ಶ್ವೇತ ಚಹ್ಂದನವನ್ನು ಸೀಪಿಯನ್ನು ನೀರಿನಲ್ಲಿ ಮುಳುಗಿಸಿ ತೇಯ್ದ ಲೇಪನವನ್ನು ಸಿದ್ದಗೊಳಿಸಲಾಗುವುದು.ಗಜಮದ ಎಂದರೆ ಆನೆಯ ಕೊಬ್ಬು ಇದು ಸರಿಯಾಗಿ ಬೆರೆತರೆ ಒಳ್ಳೆಯದು.ಇಲ್ಲವೇ ಇದನ್ನು ವರ್ಜಿಸಬೇಕು,ಪಂಚಗವ್ಯ ಎಂದರೆ ಹಸುವಿನ ತುಪ್ಪ,ಹಾಲು,ಮೊಸರು,ಸಗಣಿ ಮತ್ತು ಗಂಜಲ(ಮೂತ್ರ) ಇವೆಲ್ಲವನ್ನೂ ಒಟ್ಟಿಗೇ ಬೆರೆಸಬೇಕು. ಮಂಗಳ/ಕುಜ:- ಬಿಲ್ವ ವೃಕ್ಷದತೊಗಟೆ,ಕೆಂಪು ಚಂದನದ ಚೂರ್ಣ,ಕೆಂಪು ಹೂವು,ಸಿಂಗಾರದ ಸಾಧನ ಕಪ್ಪು,ಒಂದು ಹೂವು(ದಾರದಂತಹುದು)ಬಳೆ, ಇವೆಲ್ಲವನ್ನೂ ತಲಾ ಒಂದೊಂದು ತೊಲ,ಕೆಂಪು ಚಂದನ ೫ ತೊಲಗಳಷ್ಟು ತಗೆದುಕೊಳ್ಳಬೇಕು. ಬುಧ:- ಹಸುವಿನ ಸಗಣಿ,ಅಕ್ಕಿ,ಅಮಟೇಕಾಯಿ,ಗೋರೋಜನ(ಒಂದಿಷ್ಟು)ಜೇನುತುಪ್ಪ,ಮುತ್ತು,ಹಾಗು ಚಿನ್ನಾಭರ‍್ರಣಗಳು.ಮುತ್ತು ಮತ್ತು ಚಿನ್ನಾಭರಣಗಳನ್ನು ಸ್ನಾನ ಮಾಡಿದ ನಂತರ ಹೊರತಗೆದು ಶುಭ್ರಗೊಳಿಸಿ ಜೋಪಾನವಾಗಿ ಇಟ್ಟುಕೊಳ್ಳತಕ್ಕದ್ದು ಎಸೆಯಬಾರದು.ಈ ಎಲ್ಲಾ ಸಾಮಗ್ರಿಗಳನ್ನು ಸಮಪ್ರಮಾಣದಲ್ಲಿ ಪಡೇದರೂ,ಅಮಟೇಕಾಯಿಯನ್ನು ಮಾತ್ರ ಕೊಂಚ ಹೆಚ್ಚಾಗಿ ತೆಗೆದುಕೊಳ್ಳಬೇಕು. ಬೃಹಸ್ಪತಿ/ ಗುರು:- ಶ್ವೇತ ಪುಷ್ಪ,ಬಿಳಿ ಸಾಸಿವೆ,ಹಳದಿ ಸಾಸಿವೆಯನ್ನು ಕೂಡ ಬಳಸಬಹುದು,ಮುಲೇಟಿ,ಜೇನುತುಪ್ಪ ಹಾಗು ವಿಶೇಷವಾಗಿ ಶ್ವೇತಪುಷ್ಪದ ಬಳ್ಳಿ. ಶುಕ್ರ:- ಏಲಕ್ಕಿ,ಮೈನ್ಸಿಲ್,ಕೇಸರಿ ಹಾಗು ಯಾವುದೇ ಸುಗಂಧ ಭರಿತ ವೃಕ್ಷದ ಇಲ್ಲವೇ ಲತೆಯ(ಬಳ್ಳಿ) ಬೇರು. ಶನಿ/ ಮಂದ:- ಕಪ್ಪು ಎಳ್ಳು,ಕಣ್ಣುಕಪ್ಪು,(ಕಾಡಿಗೆ)ಅಂಜನ,ಲೋಬಾನ(ಸಾಂಬ್ರಾಣಿ),ಕುಟ್ಟಿ ಪುಡಿಮಾಡಿದ ಸೋಂಪು,ಶಮಿವೃಕ್ಷದ(ಬನ್ನಿ ಮರದ)ಕಡ್ಡಿಯ ತೊಗಟೆ ರಾಹು:-ಸಾಂಬ್ರಾಣಿ,ಎಳ್ಳುಗಿಡದ ಎಲೆಗಳು,ಕಸ್ತೂರಿ,ಆನೆಯ ದಂತವನ್ನು ಪುಡಿಮಾಡಿ ಅದರ ಕೊಂಚಭಾಗವನ್ನು ಲೋಬಾನ(ಸಾಂಬ್ರಾಣಿ)ದೊಂದಿಗೆ ಬೆರೆಸಿ ಉಪಯೋಗಿಸಬೇಕು. ಕೇತು/ಶಿಖಿ:- ಲೋಬಾನ(ಸಾಂಬ್ರಾಣಿ),ಆನೆಯ ದಂತ,ಎಳ್ಳಿನ ಎಲೆಗಳು,ಕುರಿಯ ಮೂತ್ರ ಒಂದಿಷ್ಟು. ಮೇಲೆ ತಿಳಿಸಿಹ ಔಷಧಿಗಳ ಪ್ರಮಾಣದಲ್ಲಿ ಯಾವುದೇರೀತಿಯ ನಿಯಮಗಳಿಲ್ಲ.ದುಬಾರಿ ವಸ್ತುಗಳನ್ನು ಕಡಿಮೆ ಪ್ರಮಾಣದಲ್ಲಿಯು ತಗೆದುಕೊಳ್ಲಬಹುದು.ಕೇಸರಿ,ಕಸ್ತೂರಿ,ಗೋರೋಜನ ಮೊದಲಾದವುಗಳನ್ನು ಕೊಂಚ ಕೊಂಚವೇ ತೆಗೆದುಕೊಳ್ಳಬೇಕು.ಗಟ್ಟಿವಸ್ತುಗಳನ್ನು ಪುಡಿಮಾಡಿಟ್ಟುಕೊಳ್ಳಬೇಕು.ಒಂದು ವೇಳೆ ಮೇಲೆ ತಿಳಿಸಿರುವ ವಸ್ತುಗಳಲ್ಲಿ ಕೆಲವು ದೊರೆಯದೇ ಇದ್ದರೂ ಚಿಂತೆಇಲ್ಲ.ಯಾವುದು ದೊರೆಯುವುದೋ ಅವುಗಳನ್ನೇ ಬಳಸಿ ಸ್ನಾನ ಮಾಡಬೇಕು. ದೀಪಾವಳಿಯ ಶುಭ ಸಂದರ್ಭದಲ್ಲಿ ಇಂತಹ ಸ್ನಾನ ಮಾಡಿದಲ್ಲಿ ಆಗ ಲಕ್ಷ್ಮಿದೇವಿಯ ಕೃಪೆಗೂ ಪಾತ್ರರಾಗಬಹುದು. ೧.ದೀಪಾವಳಿಯ ಶುಭ ಸಂದರ್ಭದಲ್ಲಿ ಸ್ವಾತಿ ನಕ್ಷತ್ರದ ಸುಯೋಗದಲ್ಲಿ ಬಾಳೇಮರ,ಹೊಂಬಾಳೆಗಿಡ,ಅಶ್ವತ್ಥವೃಕ್ಷ,ಮಾವಿನಮರ ಮತ್ತು ನಿಂಬೇಮರಗಳ ತೊಗಟೆಗಳನ್ನು ನೀರಿನಲ್ಲಿ ಕುದಿಸಿ ನಂತರ ಸ್ನಾನ ಮಾಡುವುದರಿಂದಾಗಿ ಲಕ್ಷ್ಮಿದೇವಿಯು ಮನೆಯಲ್ಲಿ ಸ್ಥಿರವಾಗಿ ನೆಲೆಸುವಳು. ೨.ದೀಪಾವಳಿಯ ಪ್ರಾತಃಕಾಲದಲ್ಲಿ ಸೂರ್ಯೋದಯಕ್ಕೂ ಮೊದಲು ಅಭ್ಯಂಜನ ಸ್ನಾನ(ಎಣ್ಣೆ ನೀರು) ಮಾಡುವುದರಿಂದಾಗಿದಾರಿದ್ಯ ನಾಶವಾಗುವುದು. ೩.ಹಸುವಿನ ಸಗಣಿ(ಗೊಬ್ಬರ)ಯ ಪವಿತ್ರ ಜಲದಿಂದ ಸ್ಪರ್ಷ.ಪ್ರೋಕ್ಷಣೆ ಮಾಡಿಕೊಂಡು ಸ್ನಾನ ಮಾಡಿದಲ್ಲಿ ಧನಾಭಿವೃದ್ದಿಯಾಗಿಲಕ್ಷ್ಮಿಕಟಾಕ್ಷದೊರೆಯುವುದು. ೪.ದುಗ್ದ ಸ್ನಾನ(ಹಾಲಿನ ಸ್ನಾನ) ಮಾಡುವುದರಿಂದಾಗಿ ಶಕ್ತಿ ಹಾಗು ಬಲಗಳು ಪ್ರಾಪ್ತವಾಗುವವು. ೫.ರತ್ನ ಸ್ನಾನದಿಂದಾಗಿ ಆಭೂಷಣಗಳ(ಆಭರಣಗಳ,ವಸ್ತ್ರ)ಪ್ರಾಪ್ತಿಯುಂಟಾಗುವುದು. ೬.ಎಳ್ಳಿನ ಸ್ನಾನದಿಂದಾಗಿ ಲಕ್ಷ್ಮಿಪ್ರಾಪ್ತಿ ಉಂಟಾಗಬಲ್ಲದು. ೭.ಧಾತು ಫಲಸ್ನಾನದಿಂದಾಗಿ ಲಕ್ಷ್ಮಿಕಟಾಕ್ಷದೊರೆಯುವುದು. ೮.ಮೊಸರಿನ ಸ್ನಾನದಿಂದಾಗಿ ಸಂಪತ್ತುಗಳೆಲ್ಲವು ಹೆಚ್ಚಾಗುವುದು. ೯.ತುಪ್ಪದ ಸ್ನಾನದಿಂದಾಗಿ ಆಯುರ್ ಆರೋಗ್ಯ-ಐಷ್ವರ್ಯಗಳೇ ಪ್ರಾಪ್ತಿಯಾಗುವವು. ೧೦.ಶತಮೂಲ ಇಲ್ಲವೆ ಶತಾವರೀ ಬೇರುಗಳಿಂದ ಸಿದ್ದಗೊಳಿಸಿದ ಜಲದಿಂದ ಸ್ನಾನ ಮಾಡುವುದರಿಂದ ಮನೋಕಾಮನೆಗಳು ಈಡೇರುವವು. ೧೧.ಪಲಾಶ(ಮುತ್ತುಗ),ಬಿಲ್ವಪತ್ರೆ,ಕಮಲ ಹಾಗು ದರ್ಭೆಗಳಿಂದ ಸಿದ್ದಗೊಳಿಸಿಹ ಜಲದಿಂದ ಸ್ನಾನ ಮಾಡುವುದು ಲಕ್ಷ್ಮಿ ಪ್ರಾಪ್ತಿಗೆ ಖಚಿತವಾದ ಸಾಧನೆಯಾಗಿರುವುದು. ಮೇಲೆ ತಿಳಿಸಿದ ವಿಭಿನ್ನ ಪ್ರಕಾರದ ಸ್ನಾನಗಳಿಂದಾಗಿ ಸುಖ-ಸಂಮೃದ್ದಿ ಆಯುರಾರೋಗ್ಯ-ಐಶ್ವರ್ಯಗಳನ್ನೆಲ್ಲಾ ಪಡೆಯ ಬಹುದು. ವಾಚಕರೇ ನಿಮಗೆ ಬೇಕಾದ ಸುಖಗಳೆಲ್ಲವು ಕೆಲವು ವಿಶೇಷ ಸ್ನಾನಗಳಲ್ಲೇ ಅಡಗಿದೆಯೆಂದರೆ ಅದ್ಬುತ ತಾನೆ? ಈಗಲೇ ಇಂತಹ ಔಷಧಿಯ ಸ್ನಾನಗಳನ್ನು ಮಾಡಲು ಪ್ರಾರಂಭಿಸಿ ಬಿಡಿ. ಎಲ್ಲಾ ವಸ್ತುಗಳನ್ನು ತಗೆದುಕೊಂಡು ಗಟ್ಟಿಯಾಗಿರುವ ವಸ್ತುಗಳನ್ನು ಕುಟ್ಟಿ ಪುಡಿಮಾಡಿಕೊಂಡು ಎರಡು ಲೀಟರ್ ನೀರಿಗೆ ಎಲ್ಲವನ್ನು ಹಾಕಿ ಮುಚ್ಚಿಟ್ಟು ೨೪ ಗಂಟೆಯ ನಂತರ ಗಿಡಮೂಲಿಕೆಯ ಸಾರವು ನೀರಿಗೆ ಬಿಟ್ಟುಕೊಂಡಿರುತ್ತದೆ ಅದನ್ನು ಶೋಧಿಸಿಕೊಂಡು ಒಂದು ಬಾಟಲ್ ಅಥವ ಮುಚ್ಚಳ ವಿರುವ ಮಡಿಕೆ ಅಥವ ಗಡಿಗೆಯಲ್ಲಿ ಇಟ್ಟುಕೊಂಡು ನಿತ್ಯ ಸ್ನಾನಕ್ಕೆ ಒಂದು ಬಕೇಟ್ ನೀರಿಗೆ ಒಂದು ಲೋಟ ಈ ಶೋಧಿಸಿದ ಔಷಧೀಯ ಮೂಲಿಕೆಯ ರಸವನ್ನು ಸೇರಿಸಿ ನೀರಿನಲ್ಲಿ ಕೈ ಆಡಿಸುತ್ತಾ ನವಗ್ರಹ ಮಂತ್ರವನ್ನು ೨೧ ಸಲ ಅಥವ ೧೧ ಸಲ ಅಥವ ೧೦೮ ಸಲ ಜಪಿಸಿ ನಂತರ ಸ್ನಾನ ಮಾಡುವುದು ಈ ರೀತಿ ಸ್ನಾನ ಮಾಡುವುದರಿಂದ ಯಾವುದೇ ಗ್ರಹದೋಷವಿದ್ದರು ಪರಿಹಾರವಾಗುತ್ತದೆ ಸತತವಾಗಿ ೪೮ ದಿನಗಳು ಮಾಡುವುದು ಅಥವ ನಿತ್ಯ ವು ಮಾಡುವುದರಿಂದ ಜೀವನದಲ್ಲಿ ಬರಬಹುದಾದ ನವಗ್ರಹದೋಷಗಳು ನಿವಾರಣೆಯಾಗುತ್ತವೆ. ಒಂದು ವೇಳೆ ಯಾರಾದರು ಯಾವುದಾದರು ರೋಗದಿಂದ ನರಳುತಿದ್ದರೆ ರೋಗಿಯು ಈ ಸ್ನಾನವನ್ನು ನಿರಂತರವಾಗಿ ಮಾಡಿವುದರಿಂದ ಆತನಿಗಿರುವ ರೋಗವು ನಿದಾನವಾಗಿ ಗುಣವಾಗುತ್ತದೆ