ಈ ಕೆಳಗಿನ ಗಿಡಮೂಲಿಕೆಗಳ ಬಳಕೆ ಮಧುಮೇಹ ರೋಗವನ್ನು ಹತೋಟಿಯಲ್ಲಿಡಲು ಖಂಡಿತ ಸಹಕಾರಿಯಾಗುವುದು.

ಈ ಕೆಳಗಿನ ಗಿಡಮೂಲಿಕೆಗಳ ಬಳಕೆ ಮಧುಮೇಹ ರೋಗವನ್ನು ಹತೋಟಿಯಲ್ಲಿಡಲು ಖಂಡಿತ ಸಹಕಾರಿಯಾಗುವುದು. 1. ಬೇವು: ಇದು ನಮ್ಮ ಪಿತ್ತಕೋಶವನ್ನು ಪ್ರಚೋದಿಸಿ ಕಾರ್ಯಾಚರಿಸುವಂತೆ ಮಾಡುವುದು ಮಾತ್ರವಲ್ಲ ರಕ್ತದಲ್ಲಿನ ಸಕ್ಕರೆ ಅಂಶವನ್ನು ತಗ್ಗಿಸಿ ಹೋಗಲಾಡಿಸುತ್ತದೆ. 2. ಅಮೃತ ಬಳ್ಳಿ: ನಮ್ಮ ಆಯುರ್ವೇದ ಇದನ್ನು ‘ಅಮೃತ’ ವೆಂದೇ ಹೇಳುತ್ತಿದೆ. ಇದು ಶಕ್ತಿವರ್ಧಕವೂ, ರೋಗನಿರೋಧಕವೂ ಆಗಿದೆ. ಇದು ಮಧುಮೇಹಕ್ಕೆ ಔಷಧವೆಂದೇ ಆಯುರ್ವೇದ ಹೇಳುತ್ತದೆ. ಇದು ಹೃದ್ರೋಗವನ್ನು, ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಕುಗ್ಗಿಸಿ, ತಗ್ಗಿಸುತ್ತದೆ. ಅಮೃತಬಳ್ಳಿಯನ್ನು ಕಬ್ಬು ತಿನ್ನುವಂತೆ ಬೆಳಿಗ್ಗೆ ಮತ್ತು ಸಂಜೆ ದಿನಕ್ಕೆರಡು ಬಾರಿ ಜಗಿದು ರಸವನ್ನು ಸೇವಿಸಿರಿ. ಇಲ್ಲದಿದ್ದರೆ ಬಳ್ಳಿಯನ್ನು ಜಜ್ಜಿ ರಸ ತೆಗೆದು ಕುಡಿಯಿರಿ. ಬಳ್ಳಿಯ ಚೂರ್ಣವನ್ನು ತಯಾರಿಸಿ ಅರ್ಧ ಚಮಚ ಬಿಸಿ ನೀರಿನಲ್ಲಿ ಕದಡಿ ಕುಡಿಯಬೇಕು. ದಿನಕ್ಕೆರಡು ಸಲ ಊಟದ ಅರ್ಧಗಂಟೆ ಮೊದಲು ಸೇವಿಸಿರಿ. ಅಮೃತಬಳ್ಳಿಯ ಎಲೆಯನ್ನು ಕೂಡಾ ಹಲ್ಲಿನಿಂದ ಕಡಿದು ತಿನ್ನುವುದರಿಂದ ರೋಗ ನಿರೋಧಕ ಶಕ್ತಿ ವೃದ್ಧಿಯಾಗುವುದು. 3. ನೆಲ್ಲಿಕಾಯಿ: ಜೀವಕೋಶಗಳು ಇನ್‌ಸುಲಿನ್ ಹೀರುವಿಕೆಯಲ್ಲಿ ಹೆಚ್ಚಿನ ಕಾರ್ಯ ದಕ್ಷತೆ ತೋರಿಸುವ ಕಾರ್ಯದಲ್ಲಿ ಮೊದಲಿಗ ನಮ್ಮ ನೆಲ್ಲಿಕಾಯಿ. ಮೇಧೋಜೀರಕದ ಕಾರ್ಯಾಚರಣೆಯಲ್ಲಿ ಕ್ಷಮತೆಯನ್ನುಂಟು ಮಾಡುತ್ತದೆ. 4. ಜಂಬೂನೇರಳೆ: ಇದು ರಕ್ತದಲ್ಲಿರುವ ಸಕ್ಕರೆಯನ್ನು ಹೋಗಲಾಡಿಸುವುದರಲ್ಲಿ ಪ್ರವೀಣತೆ ಪಡೆದಿರುವ ಹಣ್ಣು- ಬೀಜವಾಗಿದೆ. ನಮ್ಮ ಮೇದೋಜೀರಕ ಗ್ರಂಥಿಯು ಹೆಚ್ಚೆಚ್ಚು ಇನ್ಸುಲಿನ್ ಸ್ರವಿಸುವಂತೆ ಉತ್ತೇಜನ ಕೊಡುತ್ತದೆ. ಜೀವಕೋಶಗಳ ಪ್ರತಿರೋಧಕ ಶಕ್ತಿ-ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ದೇಹದಲ್ಲಿನ ಹೆಚ್ಚಿನ ಕೊಬ್ಬಿನಾಂಶವನ್ನು ಕರಗಿಸುವ ತಾಕತ್ತು ಜಂಬೂ ನೇರಳೆಗೆ ಇದೆ. ಜೀವಕೋಶಗಳು ಇನ್ಸುಲಿನ್ ಹೀರುವಿಕೆಯ ಕೆಲಸವನ್ನು ದ್ವಿಗುಣಗೊಳಿಸುತ್ತವೆ. 5. ಹಾಗಲಕಾಯಿ: ಇದು ಕಹಿಯಾಗಿದ್ದರೂ ಮಾನವನ ದೇಹಕ್ಕೆ ಮಧುರ ಕೆಲಸವನ್ನು ಮಾಡುತ್ತದೆ. ಇದು ಔಷಧವಾಗಿ ಮಧುಮೇಹವನ್ನು ಹತೋಟಿಯಲ್ಲಿಡುವುದರಲ್ಲಿ ಬಹಳ ಪರಿಣಾಮಕಾರಿಯಾಗಿದೆ. ವಾತ-ಪಿತ್ತಾದಿಗಳನ್ನು ಇದು ವಾಸಿಮಾಡುವ ಪ್ರಬಲ ಔಷಧವಾಗಿದೆ. ಹಾಗಲಕಾಯಿ ಚಿಕ್ಕದಾಗಿ ತುಂಡರಿಸಿ, ಬಿಸಿಲಲ್ಲಿ ಒಣಗಿಸಿ-ಚೂರ್ಣ ಮಾಡಿ ದಿನಕ್ಕೆರಡು ಸಲ ಎರಡೆರಡು ಚಾ ಚಮಚ ನೀರಿನೊಂದಿಗೆ ಸೇವಿಸಿರಿ. ಬರೀ ಹೊಟ್ಟೆಯಲ್ಲಿ ಬೆಳಿಗ್ಗೆ ಮತ್ತು ಸಂಜೆ. ರಕ್ತದಲ್ಲಿರುವ ಸಕ್ಕರೆ ಅಂಶ ಕಡಿಮೆಯಾಗುವುದು. ಮಧುಮೇಹದಿಂದಾಗುವ ದೃಷ್ಟಿದೋಷ ಮತ್ತಿತ್ತರ ತೊಂದರೆಗಳು ಮಿತಿಮೀರದಂತೆ ಜಾಗ್ರತೆವಹಿಸುವ ಕಾರ್ಯ ಹಾಗಲಕಾಯಿ ಮಾಡುತ್ತದೆ. ಒಂದು ತಿಂಗಳು ಜಲಚಿಕಿತ್ಸೆ ಕೂಡಾ ಮಾಡಿದರೆ ಒಳ್ಳೆಯದು. 6. ಅರಿಷಿಣ: ರಕ್ತ ಶುದ್ಧ ಮಾಡುವುದರಲ್ಲಿ ಇದು ನಿಸ್ಸೀಮ. ಇದೊಂದು ಸೋಂಕು ನಿವಾರಕವಾಗಿ ಮಧುಮೇಹಿಗಳಿಗೆ ಉಪಕಾರಿಯಾಗಿ ಕೆಲಸ ಮಾಡುತ್ತದೆ. ಪಿತ್ತಜನಕಾಂಗಗಳ ಸೋಂಕುಗಳಿಗೂ ಇದು ಔಷಧವಾಗಿ ಕಾರ್ಯಾಚರಣೆ ಮಾಡುತ್ತದೆ. 7. ತುಳಸಿ: ತುಳಸಿ ಧಾರ್ಮಿಕವಾಗಿ ಪರಮಪವಿತ್ರ ಮಾತ್ರವಲ್ಲದೆ ಇದರ ಬಳಕೆಯಿಂದ ಹಲವು ರೋಗಗಳು ಗುಣಮುಖವಾಗುತ್ತವೆ. ಇದು ಮುಖ್ಯವಾಗಿ ಸೋಂಕು ಪ್ರತಿರೋಧಕ ಗುಣವನ್ನು ಹೊಂದಿದೆ. ಶ್ವಾಸಕಾಂಗಗಳ ಸೋಂಕು, ಚರ್ಮ ಇತ್ಯಾದಿ ಅಂಗಗಳ ಸೋಂಕುಗಳು ತುಳಸಿಯಿಂದಾಗಿ ತಡೆಗಟ್ಟಲು ಸಾಧ್ಯವಿದೆ. ಇದು ರೋಗನಿರೋಧಕವೂ ಆಗಿದೆ. 8. ನೆಲನೆಲ್ಲಿ: ಮುಖ್ಯವಾಗಿ ಪಿತ್ತಕೋಶವನ್ನು ಕಾರ್ಯಾಚರಿಸುವಲ್ಲಿ ಪ್ರಚೋದಕವಾಗಿ ಕಾರ್ಯಮಾಡುತ್ತದೆ. ಜೀರ್ಣಶಕ್ತಿಯ ತೊಂದರೆಯನ್ನು ನೀಗಿಸಿ, ಮಧುಮೇಹ ಗುಣಮುಖ ಮಾಡಲು ಇದು ಅತ್ಯಂತ ಉಪಕಾರಿ ಮೂಲಿಕೆ ಆಗಿದೆ. 9. ಮಧುನಾಶಿನಿ : ಮಧುನಾಶಿನಿ ಎಂಬ ಸಪ್ಪೆಸೊಪ್ಪನ್ನು ಕಷಾಯ ರೂಪದಲ್ಲಿ ತಯಾರಿಸಿ ಅಥವಾ ಚೂರ್ಣ ಮಾಡಿ ಕೂಡಾ ಸೇವಿಸಬಹುದು. ಮಧುನಾಶಿನಿ ಮಧುಮೇಹಕ್ಕೆ ಒಳ್ಳೆಯ ಮದ್ದು. 10. ಬಿಲ್ವಪತ್ರೆ : ನಾಲ್ಕು ಊಟದ ಚಮಚ ಬಿಲ್ವರಸವನ್ನು ಪ್ರತೀದಿನ ಬೆಳಿಗ್ಗೆ ಮತ್ತು ಸಂಜೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಬೇಕು. ಒಂದು ತಿಂಗಳಲ್ಲಿ ಪರಿಣಾಮಕಾರಿ ಶಮನ ಸಿಗುವುದು. ಬಿಲ್ವದಳ ಸೇವನೆಯಿಂದ ಮೇದೋಜಿರಕಾಂಗ ಪುನಃಶ್ಚೇತನಗೊಳ್ಳುತ್ತದೆ. ಕ್ರಮವಾಗಿ ಬಿಲ್ವದಳವನ್ನು ಅಗಿದು ತಿನ್ನಬೇಕು. ಇನ್‌ಸುಲಿನ್ ದ್ರವ ಸಾಕಷ್ಟು ಪ್ರಮಾಣದಲ್ಲಿ ಉತ್ಪತ್ತಿಯಾಗುತ್ತದೆ. 11. ಗೋರಿಕಾಯಿ ಬೀಜ: ಗೋರಿಕಾಯಿ ಬೀಜ ಒಣಗಿಸಿ ಹುಡಿ ಮಾಡಬೇಕು. 5 ಗ್ರಾಂ ಚೂರ್ಣ ಒಂದು ಬಟ್ಟಲು ನೀರಿನಲ್ಲಿ ಬೆರೆಸಿ, ಊಟಕ್ಕೆ ಮೊದಲು ಸೇವನೆ ಮಾಡಬೇಕು. 2-3 ಸಲ ಸೇವಿಸಬಹುದು. 12. ಸಪ್ತರಂಗಿ (ಏಕನಾಯಕ): ಸಪ್ತರಂಗಿಯ ಬೇರನ್ನು ನೀರಿನಲ್ಲಿ ಗಂಧ ತೇಯುವ ಹಾಗೆ ತೇಯ್ದು ಕಾಲು ಚಮಚದಷ್ಟು ಬಿಸಿನೀರಿನಲ್ಲಿ ಕಲಸಿ ಕುಡಿಯಬೇಕು. 13. ಜೇನುತುಪ್ಪ: ಜೇನುತುಪ್ಪ ಸೇವನೆಯಿಂದ ಪಿಷ್ಟ ಹಾಗೂ ಕೊಬ್ಬು (ಮೇದಸ್ಸು) ಸುಲಭದಲ್ಲಿ ಜೀರ್ಣವಾಗುವುದು. ಪಿತ್ತಕೋಶವು ಉತ್ತೇಜನಗೊಳ್ಳುವುದು. ಆದ್ದರಿಂದ ಮಧುಮೇಹಿಗಳಿಗೆ ಜೇನುತುಪ್ಪ ಔಷಧಿಯುಕ್ತ ಆಹಾರವೂ ಆಗಿರುತ್ತದೆ. 14. ವಿಜಯ ಸಾರ, (ಬೇಂಗ): ಇದು ಮೂತ್ರವನ್ನು ಹತೋಟಿಗೆ ತರುವುದಲ್ಲದೆ, ಮಧುಮೇಹವನ್ನು ಹದ್ದುಬಸ್ತಿಗೆ ತರಲು ಸಹಕಾರಿಯಾಗಿದೆ. ದೇಹದಲ್ಲಿ ಸಂಭವಿಸುವ ನರತಂತುಗಳ ಊತವನ್ನು ನಿಯಂತ್ರಣ ಮಾಡಿ, ನೋವು ನಿವಾರಕವಾಗಿ ಕಾರ್ಯಾಚರಿಸುತ್ತದೆ. 15. ಆಲದಮರ, ಅರಳೀಮರ ಮತ್ತು ಮುತ್ತುಗದ ಮರದ ಚಕ್ಕೆಯಿಂದ ಕಷಾಯ ತಯಾರಿಸಿ ಸೇವಿಸಬೇಕು. ತ್ರಿಫಲಾಚೂರ್ಣವನ್ನು ಒಂದು ಚಮಚದಷ್ಟು ದಿನಕ್ಕೆರಡು ಸಲ ಸೇವಿಸುವುದು ಕೂಡಾ ಉತ್ತಮ. ( ಅಳಲೆಕಾಯಿ, ತಾರೇ ಕಾಯಿ ಮತ್ತು ನೆಲ್ಲಿಕಾಯಿ). ಬೇವಿನ ಎಲೆಯ ರಸ ಅಥವಾ ಚೂರ್ಣ ಬಿಸಿ ನೀರಿನಲ್ಲಿ ಬೆರೆಸಿ ಸೇವಿಸಬಹುದು. ಬೇವಿನ ಮರದ ತೊಗಟೆಯ ಕಷಾಯ ಮಾಡಿ ಕುಡಿಯುವುದೂ ಕೂಡಾ ಮಧುಮೇಹಕ್ಕೆ ಉತ್ತಮ ಔಷಧಿಯಾಗಿದೆ. ಪಾಡಪತ್ರೆ, ನಿಂಬೆ, ಹರಿದ್ರ, ನಿರೇಡು, ಧಾರುಹರಿದ್ರ, ವೆಗಿಸ, ಹಾಗಲ, ಬೇವು, ಅವಿಸ ಇತ್ಯಾದಿ ಮೂಲಿಕೆಗಳು ಮಧುಮೇಹ ಮತ್ತು ಅದರ ದುಷ್ಪರಿಣಾಮಗಳಿಂದ ಕಾಪಾಡುತ್ತವೆ. ಲೈಂಗಿಕ ಸಮಸ್ಯೆಯೂ ನಿವಾರಣೆಯಾಗುವುದು