ಕಾಲ(ಳ) ಸರ್ಪ ದೋಷವೋ ಯೋಗವೋ?

ಅಯ್ಯೋ ನಿನಗೆ ಕಾಳ ಸರ್ಪ ದೋಷವಿದೆ ಕಣಯ್ಯಾ ನಿನ್ ಕಥೆ ಮುಗೀತು ಅಂತ ಹೇಳುವ ಜ್ಯೋತಿಷ್ಯರೂ ಇದ್ದಾರೆ.ಇದನ್ನೇ ನನ್ನ ಬಳಿ ಜಾತಕ ತೋರಿಸಲಿಕ್ಕೆ ಬಂದ ಜನರೇ ತಮ್ಮ ಅನುಭವಗಳನ್ನು ಹೇಳಿಕೊಂಡದ್ದಿದೆ. ಒಂದಂತೂ ನೆನಪಿಟ್ಟುಕೊಳ್ಳಿ.ಅತಿಯಾದ ಒಳ್ಳೆಯ ಗುಣವೂ ಒಳ್ಳೆಯದಲ್ಲ.ಅತಿಯಾದ ದುರ್ಗುಣದ ಬಗ್ಗೆ ಹೇಳಬೇಕಾಗಿಲ್ಲ. ಆದರೂ ಒಳ್ಳೆಯದರೊಳಗೆ ಕೆಟ್ಟದ್ದೂ ಇರಬಹುದು,ಕೆಟ್ಟದರ ಒಳಗೆ ಒಳ್ಳೆಯದ್ದೂ ಇರಬಾರದೆಂದೇನಿಲ್ಲ. ಒಟ್ಟಿನಲ್ಲಿ ನಮ್ಮ mentality ಯನ್ನು how to applying ಎಂದು ತಿಳಿದುಕೊಂಡರೆ ಜೀವನ ಸುಗಮ. ಹಾಗೆಯೇ ಕಾಲ ಸರ್ಪ ಸುಯೋಗವೂ ಹೌದು ಅತಿಯಾದರೆ ದುರ್ಯೋಗವೂ ಹೌದು. ಕಾಲ ಎಂದರೆ ಕತ್ತಲೆ.ಇದನ್ನು 'ಕಾಳ 'ಎಂದೂ ಕರೆದಿದ್ದಾರೆ. ಕುಂಡಲಿಯಲ್ಲಿ 180°ಅಂತರದಲ್ಲಿ ಲಗ್ನ ಮತ್ತು ಗ್ರಹರಿಲ್ಲದಿದ್ದರೆ ಅದು ಕಾಲ ಸರ್ಪವಾಗುತ್ತದೆ.ಇಲ್ಲಿ ಸರ್ಪ ಎಂದರ ನಾಗರ ಹಾವು ಎಂಬ ಅರ್ಥವಲ್ಲ. ಸರ್ಪ ಎಂದರೆ ವಕ್ರಕಿರಣಗಳು.ಅಂದರೆ ಭೂಮಿಗೆ ಬರುವ ಎಲ್ಲಾ ಕಿರಣಗಳು ಸರಳರೇಖೆಯಲ್ಲಿ ಬರುವುದಿಲ್ಲ.ಅದು ~ ಈ ರೂಪದಲ್ಲೇ ಬರುವುದು.ಯಾಕೆಂದರೆ ಗ್ರಹರಿಂದ ಕೋಟಿ ಮೈಲುದೂರದ ಭೂಮಿಗೆ ಬರಬೇಕಾದರೆ ಭೂಮಿಯ ವಾತಾವರಣದ layers ಗಳಲ್ಲಿರುವ ಸೂಕ್ಚ್ಮರೂಪದ ಖನಿಜಗಳು,ಅನಿಲಗಳಿಂದ ಪ್ರತಿಫಲಿಸಿಕೊಂಡು ಬಂದಾಗ ಇದು ವಕ್ರವಾಗುತ್ತದೆ. ಕುಂಡಲಿಯಲ್ಲಿ.ಕೇತುವಿನಿಂದ ರಾಹುವಿಗೆ ಅಥವಾ ರಾಹುವಿನಿಂದ ಕೇತುವಿನವರೆಗೆ ಗ್ರಹ ಶೂನ್ಯವಿದ್ದಾಗ ಕಾಳಸರ್ಪವಾಗುತ್ತದೆ. ಇದು ಯೋಗವೂ ಹೌದು,ದೋಷವೂ ಹೌದು. ಈ ರಾಹು ಕೇತುಗಳು ಯಾವ ಭಾವ,ಯಾವ ರಾಶಿ,ಯಾವ ನಕ್ಷತ್ರ, ಯಾವ ಅಂಶ, ಎಷ್ಟು ಅಂಶಗಳು ಇತ್ಯಾದಿ ಆಧಾರದಲ್ಲಿ ಫಲಗಳು ಉತ್ಪತ್ತಿಯಾಗುತ್ತದೆ.ಒಟ್ಟಿನಲ್ಲಿ ಕಾಳಸರ್ಪ ಯೋಗ ಇರುವವರು revolutionary minded ವ್ಯಕ್ತಿಗಳಾಗಿ ಇರುತ್ತಾರೆ.ಆದರೆ ಈ ಕ್ರಾಂತಿಕಾರಕತ್ವದ ರೂಪಗಳು ಅನೇಕ. ಅದು ಮೇಲೆ ಹೇಳಿದ ಸ್ಥಿತಿ ಆಧಾರಿತವಾಗಿರುತ್ತದೆ. ಯಾರೋ ಹನ್ನೆರಡು ರೂಪದ ಕಾಳಸರ್ಪ ದೋಷಗಳಿವೆ ಎಂದರು.ಅದಕ್ಕೆ ಹನ್ನೆರಡು ಹೆಸರುಗಳನ್ನೂ ನೀಡಿ ಕಾಲಸರ್ಪದ ಬಗ್ಗೆ ಬಹಳ ಗಮನ ಹರಿಸುವಂತೆಯೂ ಮಾಡಿದರು. ಹಾಗೆ ಹೆಸರಿಸುವುದಾದರೆ 72ಸಾವಿರ ಅಂಶ ಬೇಧಗಳೂ ಇವೆ.ಅದನ್ನೂ ಹೆಸರಿಸಬಹುದು. ಇದಕ್ಕೆ ವೈದಿಕದಲ್ಲಿ ಕಾಳಸರ್ಪ ಹೋಮ,ಆಶ್ಲೇಷಾಬಲಿ ಗಳನ್ನು ಪರಿಹಾರವಾಗಿ ಹೇಳಿದೆ. ರಾಹು ಅಭಿಮಾನಿ ದೇವರು ನಾಗಸ್ವರೂಪಿ ಸಂಕರ್ಷಣ. ಹಾಗಾಗಿ ನಾಗ,ಸುಬ್ರಹ್ಮಣ್ಯ ದೇವರ ದರ್ಶನ,ಸೇವೆಗಳಿಂದ ಪರಿಹಾರವಿದೆ.ಸುಬ್ರಹ್ಮಣ್ಯ ದೇವರಿಗೆ ಉರುಳುಸೇವೆ( ದೇಹ ದಂಡನೆ) ಮಾಡುವುದೂ ಪರಿಣಾಮಕಾರಿಯಾಗುತ್ತದೆ. ಇದು ಯಾವುದೂ ಮಾಡುವ ಪದ್ಧತಿ ಕೆಲ ಕೋಮಿನವರಿಗೆ ಅಸಾಧ್ಯವಾದರೆ ಅಂತವರು ರಾಹು ಸಂಬಂಧಿತ ಆಹಾರ ಅಂದರೆ ಉದ್ದು ಇತ್ಯಾದಿಗಳನ್ನು ಕಡಿಮೆ ಮಾಡಬೇಕು. ಶರೀರದಲ್ಲಿ ಸೀಸದ ಪ್ರಭಾವ ಜಾಸ್ತಿಯಾಗದಂತೆ ನಿಯಂತ್ರಿಸಿಕೊಳ್ಳಬೇಕು.ಮತ್ತು ಆಗಾಗ ಪಿಕ್ನಿಕ್ ಮುಂತಾದ ಪ್ರೋಗ್ರಾಂ ಮಾಡಿಕೊಂಡು ಮನೋ ನಿಯಂತ್ರಣ ಮಾಡಿಕೊಳ್ಳಬೇಕು.ಯಾವ ಭಾವಕ್ಕೆ ನಿಯಂತ್ರಣ ಮಾಡಿಕೊಳ್ಳಬೇಕು ಎಂದು ತಜ್ಞರಿಂದ ಸಲಹೆ ಪಡೆದು ಕೊಂಡರೆ ಉತ್ತಮ . ಹಾಗಾಗಿ ಕಾಳಸರ್ಪ ಇರುವವರು ಭಯಪಡಬೇಕಾಗಿಲ್ಲ.ತನ್ನ ಯಾವ ಗುಣವು ಅತಿಯಾಗುತ್ತದೋ ಅದರ ನಿಯಂತ್ರಣ ಮಾಡಿಕೊಂಡಾಗ ಅಪಾಯವಿಲ್ಲ.