ಮನಃಶಾಂತಿ ನೀಡುವ ನಕ್ಷತ್ರ ಎಲ್ಲ ನಕ್ಷತ್ರದವರು ಅತಿ ಮುಖ್ಯವಾಗಿ ಅಂಶಗಳು ಈ ರೀತಿ ಇವೆ.

ಮನಃಶಾಂತಿ ನೀಡುವ ನಕ್ಷತ್ರ ನಮ್ಮ ದೈನಂದಿನ ಚಟುವಟಿಕೆಗಳು ಸಫಲವಾಗಲು ಅಥವಾ ವಿಫಲವಾಗಲು ನಮ್ಮ ಜನ್ಮ ನಕ್ಷತ್ರ/ ನಾಮ ನಕ್ಷತ್ರಕ್ಕೂ ಆಯಾ ದಿನಗಳ ನಕ್ಷತ್ರಗಳ ಜತೆ ಇರುವ ಮೂಲ ಸಂಬಂಧವೇ ಕಾರಣ. ಹೀಗಾಗಿ ನಮ್ಮ ನಕ್ಷತ್ರಕ್ಕೂ ದಿನದ ನಕ್ಷತ್ರಕ್ಕೂ ಯಾವ ವಿಚಾರದಲ್ಲಿ ಸಂಬಂಧವಿರುತ್ತದೆ ಎಂಬುದನ್ನು ಅರಿಯಬೇಕು. ನಕ್ಷತ್ರ ಕಿರಣಗಳಲ್ಲಿ ಸಕಾರಾತ್ಮಕ ಹಾಗೂ ನಕಾರಾತ್ಮಕ ಎಂಬ ಎರಡು ವಿಧಗಳಿವೆ. ಯಾವುದೇ ನಕ್ಷತ್ರದವರಿಗೆ ಸಕಾರಾತ್ಮಕ ಕಿರಣಗಳು ಅನುಕೂಲ. ನಕಾರಾತ್ಮಕ ಕಿರಣಗಳು ಪ್ರತಿಕೂಲ. ಈ ಕಿರಣಗಳು ಮನಸು, ಆರೋಗ್ಯ, ಹಣ, ಕಷ್ಟ-ನಷ್ಟ, ವೈರತ್ವ, ಸಾಧನೆ, ವ್ಯಾಪಾರ-ವ್ಯವಹಾರ, ಮೈತ್ರಿ ಮೊದಲಾದವುಗಳ ಮೇಲೆ ಪ್ರಭಾವ ಬೀರುತ್ತವೆ. ಎಲ್ಲ ನಕ್ಷತ್ರದವರು ಅತಿ ಮುಖ್ಯವಾಗಿ ಅಂಶಗಳು ಈ ರೀತಿ ಇವೆ. ೧ನಿಮ್ಮ ಜನ್ಮ/ನಾಮ ನಕ್ಷತ್ರವಿರುವ ದಿನ ಅನುಕೂಲವಾಗಲಿ, ಅನನುಕೂಲವಾಗಲಿ ಇರುವುದಿಲ್ಲ. ಅಂದರೆ ಸಾಮಾನ್ಯ ಫಲ. ೨ನಿಮ್ಮ ನಕ್ಷತ್ರದ ಮುಂದಿನ ನಕ್ಷತ್ರವೇ ಸಂಪತ್ ತಾರೆ. ಇದು ಹಣ, ಆಭರಣ, ವ್ಯವಹಾರಗಳಿಗೆ ಅನುಕೂಲ. ಧನಲಕ್ಷ್ಮೀ ಪೂಜೆಗೆ ಶ್ರೇಷ್ಠ ದಿನ. ಬರಬೇಕಾಗಿದ್ದ ಹಣ ಬರುವುದು. ಗೌರವ, ಕೀರ್ತಿ, ಉಡುಗೊರೆ ಪ್ರಾಪ್ತವಾಗುವ ದಿನ. ಸಾಲ ಪಡೆಯಲು ಪ್ರಯತ್ನಪಟ್ಟಾಗ ಫಲದಾಯಕವಾಗುವ ದಿನ. 3.ನಿಮ್ಮ ನಕ್ಷತ್ರದಿಂದ 3ನೆಯ ನಕ್ಷತ್ರವೇ ವಿಪತ್ ತಾರೆ. ವಿಪತ್ ತಾರೆ ಇರುವ ದಿನ ಅಪಘಾತ, ಹೊಡೆತ, ಕಲಹ, ನಷ್ಟ ಮೊದಲಾದ ತೊಂದರೆಗಳಾಗುವುದು. ಮೇಲಧಿಕಾರಿಗಳ ಅವಕೃಪೆ ಉಂಟಾಗುವುದು. ವ್ಯಾಪಾರಿಗಳಾದರೆ ಹಾನಿ, ಮನಸ್ತಾಪಗಳಾಗುವುದು. ಯಾವ ಕೆಲಸ ಕಾರ್ಯ ಪ್ರಾರಂಭಕ್ಕೂ ಇದು ಸೂಕ್ತವಲ್ಲ. 4.ನಿಮ್ಮ ನಕ್ಷತ್ರದಿಂದ 4ನೇ ತಾರೆಯೇ ಕ್ಷೇಮ ತಾರೆ. ಯಾರಿಗಾಗಲೇ ಕ್ಷೇಮ ತಾರೆಯಿದ್ದ ದಿನ ಮಾನಸಿಕ ಶಾಂತಿ, ಆರೋಗ್ಯ, ಆಪ್ತರ ಭೇಟಿ ಮೊದಲಾದ ಅನುಕೂಲಗಳಿರುತ್ತವೆ. ಅಧಿಕಾರಿ ಭೇಟಿ, ಒಪ್ಪಂದ ಕಾರ್ಯ, ಶಸ್ತ್ರಚಿಕಿತ್ಸೆ, ಹೊಸ ಕಾರ್ಯ ಪ್ರಾರಂಭ, ಆರೋಗ್ಯ ತಪಾಸಣೆ, ಪ್ರಯಾಣ, ತಂಟೆ-ತಕರಾರುಗಳನ್ನು ಬಗೆಹರಿಸಿಕೊಳ್ಳಲು, ನ್ಯಾಯಾಲಯದ ವ್ಯವಹಾರಗಳಿಗೆ ಅನುಕೂಲಕರ. 5.ನಿಮ್ಮ ನಕ್ಷತ್ರದಿಂದ 5ನೇ ನಕ್ಷತ್ರವೇ ಪ್ರತ್ಯಕ್ ತಾರೆ. ಇದು ಯಾವ ಕೆಲಸ, ಕಾರ್ಯಗಳಿಗೂ ಅನುಕೂಲವಲ್ಲ. ನಿರೀಕ್ಷೆಗೆ ವಿರುದ್ಧವಾದ ಫಲಗಳು ಉಂಟಾಗುತ್ತವೆ. ಪ್ರತ್ಯಕ್ ತಾರೆ ಇರುವ ದಿನ ತಾಳ್ಮೆವಹಿಸಿ ಎಚ್ಚರಿಕೆಯಿಂದ ನಡೆದುಕೊಳ್ಳವುದರಿಂದ ತೊಂದರೆಗಳ ನಿವಾರಣೆ ಸಾಧ್ಯ. 6.ನಿಮ್ಮ ನಕ್ಷತ್ರದಿಂದ 6ನೇ ನಕ್ಷತ್ರವೇ ಸಾಧನ ತಾರೆ. ಈ ಸಾಧನ ತಾರೆಯಿರುವ ದಿನ ವಿದ್ಯಾಭ್ಯಾಸ, ಮಂತ್ರಸಿದ್ಧಿ, ಸಂಶೋಧನೆ, ಹೂಡಿಕೆ, ನೂತನ ಕಾರ್ಯ ಪ್ರಾರಂಭ, ಹೋರಾಟ, ಶುಭ ಕಾರ್ಯ, ಪ್ರೇಮ ವ್ಯವಹಾರಗಳಿಗೆ ಪ್ರಗತಿದಾಯಕ. 7.ನಿಮ್ಮ ನಕ್ಷತ್ರದಿಂದ 7ನೇ ನಕ್ಷತ್ರವೇ ನೈಧನ ತಾರೆ. ಇದು ಅತಿ ತೊಂದರೆದಾಯಕವಾಗಿರುವುದು. ನೈಧನ ತಾರೆಗೆ ವಧ ತಾರೆ ಎಂದೂ ಕರೆಯುವರು. ಯಾರಿಗೇ ಆಗಲಿ ನೈಧನ ತಾರೆಯಿದ್ದ ದಿನ ಕಷ್ಟ-ನಷ್ಟ, ಕಲಹ, ಅಪಘಾತ, ಶತ್ರು ಬಾಧೆ, ಅನಾರೋಗ್ಯ ಮೊದಲಾದ ತೊಂದರೆಗಳಾಗುತ್ತವೆ. ನಿಧನ ವಾರ್ತೆಗಳು ನೈಧನ ತಾರೆಯಿದ್ದಾಗಲೇ ಬರುವ ಸಾಧ್ಯತೆಗಳು ಹೆಚ್ಚು. ನೈಧನ ತಾರೆಯಿದ್ದಾಗಲೇ ಸಾವು ಉಂಟಾಗಿರುವ ಉದಾಹರಣೆಗಳು ಇವೆ. 8.ನಿಮ್ಮ ನಕ್ಷತ್ರದಿಂದ 8ನೇ ತಾರೆಯು ಮಿತ್ರ ತಾರೆಯಾಗುವುದು. ಈ ನಕ್ಷತ್ರವಿರುವ ದಿನ ಅಧಿಕಾರಿ ಭೇಟಿ, ಆಪ್ತರನ್ನು ಸಂಪರ್ಕಿಸಲು, ವ್ಯಾಪಾರ